بتحبوا البقلاوة؟ لازم تجربوا هل-٣ أكلات ببيروت!

إذا كنتوا متلنا بتعشقوا البقلاوة وعبالكن تجربوا شي طيب ومميز، مشوا معنا! لقينالكن 3 أكلات ببيروت كل محبي بقلاوة لازم يجربوها.

1.دوناتس بقلاوة من عند XnDoughs

دوناتس بقلاوة إجت على عز الطلب! XnDoughs بيقدموا دوناتس بطعمة شرقية مميزة، محشية بالبقلاوة وكريمة الفستق، مع رشة سكر لتنبسطوا بطعم الحلو الغني.

هالمحل معروف بتقديم طعمات حلويات فريدة، بس نحنا أكتر شي حبينا دوناتس البقلاوة. XnDoughs موجود بكليمنصو، بيفتح من الإثنين للسبت من الساعة 10 الصبح حتى الساعة 9 المسا. للطلبات، اتصلوا على 891 520 71.

2. بوظة البقلاوة من عند Choco Crepe

عبالكن تجربوا بوظة على بقلاوة من عند شوكو كريب؟ طعمة مميزة لكل محبي النكهات الشرقية، كتير رح تنبسطوا بالبقلاوة المقرمشة، بوظة الفانيلا، والفستق الطيب. 

مقرمشة من برا وخفيفة من جوا، سندويشة أيس كريم غير شكل! محل شوكو كريب موجود بالحمرا، وعنده فروع كتيرة بكل لبنان. لمعرفة المزيد من المعلومات، اتصلوا على 359 508 76.

3. بيتزا على بقلاوة من عند Santo Pizza Bar

محبي البقلاوة والحلويات، ما رح تقدروا تقاوموا تجربة مميزة عند  Santo Pizza Bar! عندن منيو فريدة من الأطباق المميزة وأطيبها البيتزا على بقلاوة!

أطيب بيتزا رح بتجربوها!  بيتزا البقلاوة معمولة مع البقلاوة، الجبنة الكريمي، الجوز، الفستق، و شراب ميّ الورد. بتقدروا تلاقوا Santo Pizza Bar بقلب مار ميخايل. وللمزيد من المعلومات، اتصلوا على 738 644 70

يلا خبرونا، مين من أصحابكن بتعزموا على البقلاوة؟

شوفوا كمان، لقينالكن ٥ من أطيب مطاعم الباروك