استمتعوا بآخر أيام الصيف جنب النهر عند وادي شمسين!

في أجمل من تجرية غدا جنب البحيرة والجبال الخلابة بالبقاع؟ خلينا نقدملكن مطعم وادي شمسين، جوهرة بالطبيعة بتقدم لقمة بقاعية وقعدة ساحرة.

وادي شمسين وجهة مثالية بسهل البقاع، بتعيشوا فيها تجربة أكل مميزة مع الطبيعة الخلابة. مكان بعيد عن الخيال، قاعد جنب النهر ومكان بتجربوا فيه لقمة طيبة على صوت الميّ، ومناسب كتير لجو حلو مع العيلة او الأصحاب.

وادي شمسين معروف لموقعه المميز، بيقدّملكن منظر بانورامي، حدايق واسعة، وقعدات على ضفاف النهر. فيكن تتمشوا على النهر أو بقلب الجنينة، على جسور فوق الميّ، وتتأملوا جمال ضيعة برالياس البقاعية. واحد من أكتر الأماكن الهادية بالبقاع لتستمتعوا بلقمة طيبة وجلسة لطيفة.

بيتميز هالمطعم بالديكور الخشبي والجو الرومانسي وقعدة الورد اللي بتصاحبكن بكل مناسباتكن، بيقدمولكن صالة داخلية وخارجية بتناسب الأعراس والإحتفالات. الجو الحلو والتراسات الخيالية رح بتخلي أحبابكن يستمتعوا بوقتن مغموين بالورد والخضار.

تخايلوا أنكن عم تتغدوا بهالحديقة الواسعة، جنب البحيرة والميّ الجارية تحت إجريكن! وادي شمسين بيقدملكن منظر متل اللوحة على سفرة لبنانية غير شكل. بتجربوا أطيب مشاوي لبنانية مع الكباب، أطباق القريدس الشهية، ولحمة الخروف اللي مميزة عند وادي شمسين! هالمكان قطعة زغيرة من جنات البقاع لتنبسطوا بأطيب المازة والكبة النية، والأجواء الريفية الهادية.

هالمطرح بيقدم نهار من التسلية والأنشطة الحلوة للعيلة والولاد. بتلاقوا ألعاب حماسية متل pedalo، التجديف بالميّ، ركوب الخيل، ATV ، Paintball ، وغيرن. وكمان نشاطات هادية مع الولاد متل التلوين و الرسم، أو ركوب القارب جنب البط والوز بالبحيرة. يعني مشوار غير شكل للعيلة كلها!

شو ناطرين؟ قضوا أحلى الأوقات عند وادي شمسين!

تابعوهن على الإنستغرام هون. للحجز والمزيد من المعلومات، اتصلوا على 377 677 81 – 377 000 71.

شوفوا كمان، جنينة الخواجة: لقمة لبنانية وقعدة مع الغيم بفقرا