زعلانين؟ محل حلو مهضوم رح يرسم ضحكة عوجكن وبطونكن

أحسن دوا للزعل هوي الحلو وخاصةً الشوكولا. وإذا كنتوا مفقوسين أو حدا مزعلكن ما بعود شي يزبط معكن وبتصيروا بدكن شي وتفشوا خلقكن لترتاحوا. إذا كان حبيب قلبكن الحلو لحقونا على هل محل المهضوم! سويرلي Swirly محل جديد ومهضوم فتح بمار مخايل صار بدا تتركوا كل شي وتجربوا.

من البوظة للبان كيك والعصير والمشروبات الطيبة لي بتبورد القلب، صار لازم تغطسوا عندن بكل أصناف الحلو لي معودين عليها.

بعد نهار طويل ومتعب بالشغل، المعدة بتطلب حلو لنروق حالنا من التوتر والتعب ونرجع نتنشط من جديد. لهيك رح يكون السويرلي Swirly ناطركن بقلب فان زغير ليقدملكن كل النكهات لي بيشتهيها قلبكن. بتشط الريلة أكيد وبتمط قد ما الكمية كبيرة وكريمة.

عندن كمان بوظة ومتلجات غب الطلب مع شوكولا على الوج وشوية كريما. عندن كمان شراب الكرز شي كتير ببورد ومنعش وميلك شايك عبوشار وقصص وخبار غريبة عجيبة لأول مرة بتشوفوها.

بتجوا على الفان وبتطلبوا من الشباك وبتنطروا طلبيتكن تخلص بظرف دقايق وبتتعرفوا بهل وقت على الناس إنتو وواقفين عم تسولفوا وبتطلعوا التوتر لي فيكن. نحنا كتير حبينا الفكرة، إنتو شو رأيكن؟

العنوان: مار مخايل حد ستاربكس
تواصلوا معن هون

شوفوا كمان، مسابقة جديدة: لي بياكل هل بيتزا رح يطلعوا 200$ كاش وجوايز قيمة!