٥ محلات Outlet وفيرة لتشتروا أفضل الماركات بلبنان

بهل وضع الإقتصادي، مش سهل نلاقي علامات تجارية بجودة ممتازة وأسعار مميزة. لكل محبي التسوق بمحلات ومتاجر ال Outlet لقينالكن ٥ محلات Outlet وفيرة لتشتروا أفضل الماركات بلبنان.

1. American Outletters، الطيونة

هالمحل بيتميز بتشكيلة متنوعة من المنتجات من الماركات الأمريكية الشهيرة. من الملابس و الاكسسوارات لغراض البيت. إذا عم تدوروا على Designer bags أو شنط جيم وأحذية رياضية، أميركان أوتليترز بيقدملكن خيارات واسعة بتناسب الأذواق المختلفة.

الرقم: 428 380 01

2. All Brands Factory Outlet، كافة الفروع

متاجر All Brands Factory Outlet بتقدم تشكيلات واسعة ومنتجات متنوعة من عدد كبير من الماركات العالمية. بتلاقوا خيارات كتير لمحبي الموضة و الأحذية الرياضية. الحلو انو عطول بيعملوا عروضات مميزة حتى على الأدوات المنزلية.

الرقم: 617 732 71

3. American Center Outlet، كافة الفروع

إذا عم تفتشوا على آخر صيحات الموضة، American Center Brand outlet بقدملكن أفضل وأجود الماركات الأميركية بأسعار كتير مناسبة. بيتميزوا بالذوق العالي والأناقة اللي بتقدروا تحصلوا عليهن بأسعار مميزة ووفيرة.

الرقم: 382 018 03

4. سوق عكاظ، الحمرا

سوق عكاظ عبارة عن متجر بتقدروا تبيعوا وتشتروا عندن الملابس المستعملة. إذا عم تفتشوا على تياب مستعملة بأسعار رخيصة وحالة ممتازة، ضروري تميلوا عند سوق عكاظ بالحمرا أو بمختلف فروعه حول لبنان.

الرقم: 183 309 71

@beirut.com Souk Okaz, secondhand store located on Hamra street in Beirut🦋👔🛍️ #hamra #beirut #lebanon #thrifting #secondhandfashion #secondhand #fashion #thrift #thriftshop ♬ Lavender Haze – Taylor Swift

5. Basic Outlet Stores، كافة الفروع

من أفضل محلات ال Outlet اللي ممكن تلاقوها فيها الجودة العالية، القطع المميزة، والأسعار المناسبة. عندن تشكيلات واسعة من التياب والأكسسورات الحلوة والدارجة خصوصي للسيدات.

الرقم: 110 213 70

شوفوا كمان، ١٥ مسبح وبحر مجاني أو خفيف عالجيبة بلبنان