٥ مطارح لتاكلوا أطيب أكل لبناني ببيروت

الأكل اللبناني هوي احتفال بالتقاليد والعادات لي ورتناها عن جدودنا ويعتبر من أطيب المطابخ بالعالم وبيتميز بتنوعو وألوانو لي بتنعكس على الطعمة المميزة، ووين في مكان أحسن من بيروت لتجربة الأكل اللبناني؟ لقينالكن اليوم ٥ مطاعم استثنائية بالعاصمة فيكن تدوقوا عندن أطيب الأكلات اللبنانية.

١. مزيان، الحمرا

مطعم لبناني بأجواء تراثية قديمة، بتشموا في ريحة بيروت العتيقة من خلال أطباق المطبخ اللبناني والديكور الدافي والجو الحميم. بقدم كلاسيكيات المطبخ اللبناني مع لمسات موديرن بترضي كل الزوار من محبي الأكل التقليدي ولي عم بنبشوا على نهكات مبتكرة بنفس الوقت.

الرقم: 015 293 71

٢. تي-مربوطة، الحمرا

بينقل هل مطعم روح بيروت العتيقة من خلال تقديم أكلات لبنانية أصيلة ولذيذة. من أطباق المازة يلي منعرفها ومنحبها للمشاوي والأجواء البسيطة والعائلية… كل هل القصص المميزة ناطرتكن عند تي-مربوطة.

الرقم: 880 743 01

٣. دار بيروت، الأشرفية

لتجربة طعام لبنانية تقليدية بامتياز، دار بيروت هوي المكان الأيقوني المثالي لي رح يسحر كل الزوار. محافظ على مبادئ المطبخ اللبناني الأصيل بكل أطباقو اللذيذة وقبالكن بتلاقوا صور البيوت اللبنانية التراثية واللوحات لي بتجسد الحياة التراثية والزي اللبناني الأصيل لترجعوا بالزمن.

الرقم: 888 571 01

٤. ليلى من لبنان

بقدم الأطباق اللبنانية الكلاسيكية بطريقة مبتكرة وجديدة ليضيف على النكهة اللبنانية البساطة والإبداع والفن. رح تاكلوا كل أطباقكن المفضلة بقلب قعدة فخمة وبسيطة بنفس الوقت رح تاخدكن رحلة على بيروت إيام العز.

العنوان: زيتونة باي، ABC فردان، ABC الأشرفية
الرقم: 517 371 01

٥. أمالين، وسط بيروت

مطعمكن المفضل وصل من زحلة على شوارع وسط بيروت وجايب معو كل الطعم الحلو والتجربة الأصلية المميزة للأكل اللبناني. كل الأطباق اللبنانية المفضلة عندكن بتلاقوها عند أمالين، من المازة للمشاوي والحلويات وحتى الفواكة. فإذا كنتوا عم تدوروا على تجربة أكل أصيلة مع قعدة فاخرة ومرتبة، ما إلكن غير هل محل.

الرقم: 000 900 81

شوفوا كمان، شو رأيكن بنهار كامل بمطعم بقلب الغابة؟