5 مشاكل لبنانية وحلول مهضومة إلها

الحياة بلبنان عم بتكون بكتير من الأوقات معقدة. من مشاكل تافهة بتعكر علينا مزاجنا اليومي للمشاكل اللي ما بتنحل أبداً، عطول في شي بدو يسملنا بدنا. بس أكيد إنتو كمان بتتمنوا لو بتنحل كل مشاكلنا ضربة وحدة… شوفوا معنا كيف. جمعنالكن 5 مشاكل عم نواجهن بحياتنا اليومية بلبنان وعرضنالكن 5 حلول مهضومة لكل مشكلة.

١. انكسر شي بالبيت؟ انتزع شي، وبدكن حل سريع؟ شركة Naaam بتقدم صيانة سريعة وشاملة

إذا تعطل أو انخرب شي معكن بالبيت… AC، باب، شباك أو حيلا شي تاني، ما تعتلوا هم شي بقا. مش رح تنطروا المعلم يجي لعندكن بعد جمعة على حسب قولو “على الوعد يا كمون” وبالآخر ما يجي. من يوم ورايح بس تكونوا بحاجة تعملوا صيانة سريعة أو تجددوا بيتكن متل ما بتحبوا اتصلوا بـNaaam وهني بلبكون بأسرع وقت.

٢. صار بيتكن مليان بلاستيك وكلاكيش ما إلها عازة؟ اتجهوا إلى Yalla return

حافظوا على البيئة لي عنا وخدوا مكافأة مقابل هالشي الحلو. كل اللي عليكن تعملوا هوي تجمعوا عناصر التدوير لي عندكن بالبيت متل البلاستيك والألمنيوم وتنضفوها وتفرزوها منيح وبعدين تاخدوها عند حيلا موقع تسليم لYalla Return. بعد ما تستلموها، رح تحصلوا على رصيد Return بينضاف على حسابكن حسب وزن الأشيا اللي استلموها منكن. بعدها بتقدروا تستبدلوا رصيدكن بقسائم السوبرماركت من Al Makhazen-COOP أو تتبرعوا فيها لبعض الجمعيات الخيرية.

٣. بدكن تستأجروا شغلات جديدة ومضتطرين عليها وما عندكن وقت أبداً؟ تواصلوا مع Ajjerni

بدكن فستان عرس؟ كاميرا للتصوير؟ أوحتى شقة مريحة للأجار؟ بدكن كل هل قصص بسعر معقول، مستعجلين وما عم تلاقوا شي بالسوق ومش عارفين شو تعملوا؟ تطبيق Ajjerni جاهز يحللكن كل مشاكلكن بكبسة زر! يعتبر Ajjerni المحل الوحيد لي بيعطيكن فرصة تعرضوا غراضكن وبيوتكن للأجار لتطلعوا شوية مصاري إكسترا ومطرح ممكن تلاقوا في الشي لي إنتو بحاجة لإلو بسعر مناسب.

٤. عم بتدوروا على هدية خاصة لحبيبكن؟ مفاجآت حلوة كتيرة ناطرتكن عند The Unspelled Cookie

ضيفوا لمسة عاطفية على هداياكن – إذا كنتوا عم تحتفلوا بذكرى أو بمناسبة خاصة، كبايات الmug لي عليها إسمكن أو إسم حبيبكن صارت موضة قديمة وكتير cliché فشو رأيكن تجيبوا شي مميز أكتر هل مرة؟ بقدملكن The Unspelled Cookie أروع الهدايا لي مصنوعة من الحلويات: كوكيز لذيذين من مكونات premium، مليانين ألوان وزينة وطعمات بتشهي!

٥. عم بتنبشوا على شطافة مهضومة وصديقة للبيئة؟ ما إلكن غير Taztool

شطافة Taztool الجديدة صارت حديث الساعة مش بس بسبب إسمها الذكي والمهضوم، لأن هالاختراع هوي خطوة صديقة للبيئة وبينعاز كل يوم وكل الوقت. بالإضافة لمساعدتكن على توفير كلينكس الحمامات، لما تجيبوا Taztool رح تكونوا كمان عم تحافظوا على البيئة وتوفروا ربع شجرة و 000 44 لتر من المي و$60 للشخص الواحد كل سنة، فيلا شو ناطرين بعدكن؟