شاليه ميال الشمس…قعدة بالسهل ومسبح بالطبيعة

عبالكن عطلة مميزة بربوع الجنوب؟ اليوم مشوارنا بياخدنا على كفررمان، ضيعة مشهورة بالسهل الواسع والمناظر الطبيعية الساحرة بالنبطية. بدنا نعرفكن على شاليه ميال الشمس الجديد، بيستقبلكن على قعدة بالطبيعة ومسبح مميز بالجنوب هالصيفية.

إذا عبالكن قعدة من الرواق بحضن الطبيعة، شاليه ميال الشمس ناطركن على قعدة مميزة ومخباية عن العالم. شاليه مميز لجو العيلة، عندو مساحة واسعة لتقضوا أوقات حلوة، تعملوا لقمة مشاوي وتاخدوا راحتكن.

وكمان بيقدم قعدة تراس بتاخد العقل، بتشوفوا منها جمال المنطقة كلها، بتقعدوا عليها وبتشربوا فنجان قهوة طيب وبتروقوا راسكن على المزبوط.

عيشوا أجواء صيفية روعة هالموسم عند شاليه ميال الشمس. بتلاقوا بهل شاليه مسبح كبير وقعدات مميزة تحت فيّ الشجر، مكان حلو لتقعدوا تسبحوا كل النهار، ترخوها تحت الشمس، تقضوا وقت الحلو والهوا عم يلعب لعب، خصوصي بهل الطقس المشوب.

شاليه ميال الشمس مكان مميز لمحبي الطبيعة، قعدو مغمورة بالشجر من كل الألوان، الورود، ومناظر الجبال اللي بتاخد العقل. عندن خيمة مهضومة لتسهروا فيها لطلوع الضو مع النجوم والقمر.

بتلاقوا داخل الشاليه غرف نوم مريحة وديكور بسيط ومهضوم. كذا تخت وقعدات حلوة ومطبخ زغير وحمام وكل شي متوفرلكن، يعني ما بتعوزوا شي! بتقضوا عطلة بتاخد العقل بتشيل الهمّ عن القلب.

للمزيد من المعلومات، إتصلوا على 582 100 71.

شوفوا كمان، ١٧ من أفضل المطاعم الصيفية بالجنوب