منتجع ومسابح مميزة ناطرتكن بحضن الوادي بالجنوب

وين عبالكن تقضوا عطلة مميزة هالصيفية؟ قررنا اليوم نطلع على منطقة تبنين بالجنوب ونخبركن عن مطرح مميز وجديد. إذا عم تفتشوا على بيوت ضيافة بتاخد العقل هالموسم، كفوا معنا المشوار. خلونا نخبركن عن منتجع Pine Valley، منتجع ومسبح مميز بحضن الوادي رح يسحركن هالموسم.

منتجع Pine Valley بيقدم كذا فيلا ساحرة الجمال بوادي تبنين. كل فيلا بتصميم مودرن ومرتب، وتفاصيل خشب بتحسسّكن إنكن رحتوا على جزيرة إستوائية. والحلو انو كل فيلا فيها خصوصية تامة، يعني بتقضوا نهار كامل بعالمكن الخاص إنتو وأحبابكن.

بتلاقوا عند منتجع Pine Valley كل وسايل الراحة والرفاهية. جاكوزي كبير ناطركن بغرفة النوم، قعدات مريحة، فيو مفتوحة على الوادي، مطبخ مجهز بكل شي، وجو رايق وديكور لطيف بيدخل الفرحة على القلب.

بتلاقوا مسبح كبير ناطركن هالصيفية لترخوها تحت الشمس وتسبحوا كل النهار مع أحبابكن، والحلو انو فيكن تتفرجوا على الوادي من قلب المسبح.

بتقعدوا على التراس بالهوا الحلو، بتتأملوا بالمناظر الحلوة، بترخوها على المرجوحة، وبتقضوا أحلى الأوقات هالصيفية. كمان بيقدم منتجع Pine Valley ترويقة الصبحيات غير شكل!

والحلو انو بتلاقوا بمنتجع Pine Valley مطعم باب الكرم، بيقدم سفرة لبنانية كريمة، مازة مميزة، مشاوي غير شكل، عصير ومشوربات طيبة، تحلاية وبوظة وكل القصص الطيبة بتطلبوها لعندكن على الفيلا!

للمزيد من المعلومات أو الحجز، إتصلوا على 825 558 81.

شوفوا كمان، مطعم بياخدكن على جزر باروس اليونانية من شط عمشيت