من سانتوريني ع أنفه: رحلة ممتعة على بيت ضيافة من الأحلام

جوهرة مخفية بقلب مدينة أنفه، هل بيت الأبيض رح يجذبكن دغري.

زهقتوا من المشاوير هيي ذاتها؟ اليوم رح نسفركن على اليونان من دون باسبور ولا فيزا ومن قلب لبنان، ضبوا الشنطة وتوجهوا على قلب منطقة أنفه يلي جابتلكن اليونان لعندكن، وهوينك بتلاقوا أحلى بيت أبيض مع شبابيك زرق بوج البحر.

أنفويات ناطركن لتقضوا وقت بنسيكن همومكن وبخليكن تسافروا ولو بخيالكن نتفة.

البيت من برا ومن جوا غريب متل بيوت جزيرة سانتوريني، عندو قعدة ملونة على التراس وأوض من حجر لح تخليكن تقضوا ليلة يونانية حقيقية.

الحيطان الزرقا والبيضا وأواني الزهور الحلوة أكيد رح تعجبكن، كل قطعة أثرية عندا خبرية، والنومة الهنية من عشية رح تبعتكن على رحلة ممتعة على اليونان مع حبيبكن.

هل بيت كمان بقدم لكل الزوار ترويقة الصبح من أطيب مناقيش وكروسان وبيض ولبنة مع صحن خضرا جبلية وزيتون وتحلاية فواكة وليمون وغيرهن كتير، وأكيد فنجان قهوة غير شكل.

بالليل، تركوا كل شي وحطوا موسيقى حلوة وحضروا لقمة خفيفة لسهرة ممتعة على التراس تحت نسمات الشجرات.

وبس يجي عبالكن بتنزلوا بتتمشوا على البحر، كأنكن بميكونوس مش بلبنان.

الأسعار على الليلة ببتبلش من 85$ وبتوصل ل110$ مع ترويقة وعنجد لقيناها مقبولة بالنسبة للغلا لي عم نشوفوا.

لتعرفوا أكتر عن أنفويات وللحجز، اتصلوا على 650 240 70.

شوفوا كمان، ٤ محلات غريبة عجيبة لازم تزوروها هل-صيفية بلبنان.