٤ محلات غريبة عجيبة لازم تزوروها هل-صيفية بلبنان

في تجارب ما منلاقيها إلا بلبنان، منها مهضومة وفرحة ومنها غريبة عجيبة بتخليكن تسألوا حالكن كيف هالشعب بيعطلع معو هيك أفكار حلوة! رح نعرفكن على بعض أجمل التجارب والمحلات الغريبة يلي رح تستمتعوا فيها لما تزوروها.

١. بيت كاتالبا Catalpa Home، بيت الدين

من أجمل وأغرب بيوت الضيافة بلبنان… بيتميز بوجود بيسين بقلب أوضة النوم ولي عبالو بيرخيها بقلب المي وبيتفرج على شي فيلم هوي ومغمور بالمي من كل الميلات. بيتمتع بجنينة بتطل على مناظر طبيعية خلابة وبقدم ترويقة تحت الشجرة الصبح. تجربة بتستاهل تعيشوها ولو لمرة وحدة بس لأن رح تخليكن تحسوا حالكن بشي فيلم من الخيال.

لتعرفوا أكتر عن هل محل اضغطوا هون!
الرقم: 089 093 03

٢. ثمار الجبل، بشري

هل مطعم هوي الدوا لي إنتو بحاجة لإلو بهيك طقس لتبوردوا قلبكن من الشوبات. بتطلعوا على بشري، وبتلاقوا ثمار الجبل ناطركن لتعيشوا تجربة صيد السمك لي رح تخليكن تحسوا حالكن على البحر والجبل بنفس الوقت. هوي أول مطعم بلبنان بيسمحلكن تصيدوا سمكاتكن بإيدكن وترجعوا تاكلوهن عطول طازة ومشكلين: سمك ع أنواعو، سومو، ترويت…استحلوا واختاروا.

لتعرفوا أكتر عن هل محل اضغطوا هون!
الرقم: 407 129 70

٣. بولاريس Polarice عند بلوباي Blubay، البترون

بس تجوا على هل شط المميز بالبترون، رح تعيشوا تجربة فريدة من نوعها: حمام تلج بنص البحر! كبوا حالكن بقلب حمام التلج وبوردوا على الآخر: رح تحسوا بالشوب والسقعة بنفس الوقت، شعور غريب ومنعش على الآخر.

لتعرفوا أكتر عن هل محل اضغطوا هون!
الرقم: 944 149 76

٤. متحف بصبوص، رشانا البترون

هل متحف هوي أغرب متحف بلبنان ويمكن بالشرق الأوسط كلو. بهل المشروع استرعض النحات اللبناني أناشار بصبوص والمهندس المعماري جودت عرنوق قطع بتجمع بين الطبيعة والتاريخ والفن بغرابة وجمال. معروض في مجموعة بتضم أكتر من 50 منحوتة مذهلة بالجنينة، تم دمجها مع مناظر الطبيعة الجبلية الساحرة.

الرقم: 099 033 03

مين عبالو يعيش اختبار جديد؟

شوفوا كمان، ببلاش وللعموم: ١٠ شطوط وبحور مجانية بلبنان.