١٠ اسئلة ما إلها معنى بيسألوها كل الإمات اللبنانية

كل شب لبناني أو بنت لبنانية بعانوا من هيدا الموضوع مع كل الإمات اللبنانية … لو قد ما كان عمركن رح تضل إمكن تسألكن هل أسئلة كل ما بتشوفكن، مع إنو أجوبتها واضحة ومعروفة بس ما فيهن ما يسألوها وما حدا بيعرف لي.

١. شو مبين بالبيت؟

ما تجرب يكون جوابك إي، أحسنلك تتهرب لأن رح يلحقوا تحقيق طويل عريض

٢. شو عم تتحمم؟

وبكون واصل صوت المي لعند الجيران

٣. بيك شي بعدك نايم؟

وهيدي أحلى طريقة لتفيق من النوم

٤. خلصت؟

إنووو شو أولك؟

٥. شو فقت؟

لا والله عم بحلم

٦َ. شو ماما ضهرت؟

بتكون لاقت سيارتك مش موجودة وبعتلها واتساب قلتلها في إنك فالل وقريتوا

٧. شو رجعت على البيت؟

وبتكون بخلقتها صرلك نص ساعة

٨. شو جوعان؟

بتكون عم تاكل وما تركت شي بالصحن

٩. ليش ما عندك شغل؟

إي لأنو عأساس ما بتعرفي إنو اليوم فرصة رسمية

١٠. شو رحت على البحر؟

وبتكون راجع محروق من الشمس وكل ما بتشوفوك بترجع بتسألك نفس السوأل

شوفوا كمان، ٦ أغاني لبنانية بتوصف حالتنا مع هل شوبات.