٥ بيوت ضيافة لتقضوا شهر عسل من دون ما تسافروا

لما منفكر إنو بدنا ناخد عطلة ونقضي شهر عسل منفكر بسفرة برات لبنان وخاصةً على تركيا لأن أهين شي، بس دايماً مننسا إنو عنا بلبنان في كتير مناطق خلابة وبيوت ضيافة بتاخد العقل وبتستاهل نتعرف عليها.

١. بيت سكندر، أنفه

بيت ضيافة يجمع بين حسن الضيافة اللبنانية والجو اليوناني الساحر. فيكن تعيشوا تجربة سفر من دون ما تسافروا وإنتو مغمورين بموج البحر وتناموا بقلب بيت تراثي قاعد على البحر.

الرقم: 183 896 71

٢. بيت Tourist

بأجر هل محل الغرف مثالية للمناسبات الخاصة وشهر العسل أو حتى بس لتغيير جو. هيك فيكن تعيشوا تجربة بتاخد العقل بقلب غابة الباروك لليلة! وكمان فيكن تقصدوا إنتو هونيك المطعم ساعة لي بدكن وتاكلوا ألذ سفرة لبنانية.

الرقم: 768 231 03

٣. جسر السمير، بيصور

هالمحل بيجمع كل شي منحبوا بمحل واحد. يعني الأكل الطيب، البرودات، المنظر الحلو، جلسة بطير العقل مليانة ألوان وورود، المنظر من هل بيت بطير العقل. حتى فيكن تحتفلوا بعرسكن بالجنينة حد النهر لأن في venue خاصة للأعراس.

الرقم: 088 533 03

٤. بيت تحوم Casa de Thoum، البترون

للأشخاص لي بدن قعدة رايقة بعيدة عن الضجة، بيت تحوم هوي البيت المناسب، عيشوا يومين حلوين وانسوا كل شي شاغلكن بالكن. البيت من جوا مرتب وفخم على الآخر وبطل على البحر، الأوض من حجر والبواب من قزاز، رح تحسوا حالكن سافرتوا على أفخم أوتيل بشهر عسلكن.

الرقم: 386 555 76

٥. فيلا جوا Villa Joie، فتري

بتتميز فيلا جوا Villa Joie بوجود 9 فيلات بربوعها كل وحدة أحلى من التانية، بتحمل أسامي الشجر والورود الموجودين فيها وجرعة من السعادة. بعض هل الفيلات بيتميز بالجنينة الخاصة والبعض بالبيسين الخاص، بالإضافة للمسبح الموحد لي الكل في يتشارك في لحظات السعادة. فيكن كمان تستمتعوا بالقعدة الرومانسية وبالأكل الطيب لي بقدموا المطعم المميز.

الرقم: 950 009 76

شوفوا كمان، ٢٠ شغلة وشغلة تعملوها هالصيفية بلبنان.