فيلا فوق التل بإطلالة على بحيرة القرعون

خلونا اليوم نخبركن عن مكان مميز بأحضان طبيعة البقاع. قاعد فوق التل بتلاقوا بيت ضيافة غير شكل بمنطقة زغبين، Great Escapes عبارة عن بيت ضيافة بيطل على بحيرة القرعون وعندن قعدة من العمر.

إذا حابين تهربوا من عجقة الميدنة على مطرح هادي وساحر الجمال، فيلا Great Escapes جاهزة تستقبلكن على قعدة من الخيال بالبقاع. التراس بيتميز بإطلالة من فوق التل على بحيرة القرعون الزرقا، جبال وسهول البقاع، والطبيعة الخلابة، القعدة مخباية عن العالم وهوا عليها بيلعب لعب!

بتلاقوا بقلب الفيلا جنينات على مد نظركن، ورد ملون وقعدات تحت فيّ الشجر بالهوا الطلق. بتعمل غدا مشاوي غير شكل وقدامكن أجمل مناظر البقاع، أو بتقعدوا على التراس وقدامكن جاط الفواكة غير شكل.

بتلاقوا بفيلا Great Escapes السعادة والراحة النفسية. بتقعدوا جنب المسبح تحت الشمس الحلوة، بتسبحوا بالميّ السقعة، وبتتأملوا بمنظر البحيرة الخلاب، بتشربوا مشروب طيب وبتقضوا أحلى الأوقات.

وموديل الفيلا من جو رايق ومرتب، بتلاقوا 4 أوض نوم كبار، وأوضتين قعدة، مطبخ كبير وكل شي ممكن تحتاجوا لتقضوا عطلة مميزة بالبقاع.

للمزيد من المعلومات أو الحجز، تواصلوا عبر الواتساب على الرقم 0046737251993.

شوفوا كمان،فيلا Ito’s Crib : مسبح طبيعي وتراس فوق وادي تنورين