تراس نيكولا: بيتزا بيوتية وقعدة رومانسية خيالية بقلب برومانا

شو رأيكن نطلع على برومانا بهالطقس الحلو؟ برومانا من أجمل المناطق اللبنانية واليوم رح نخبركن عن جوهرة مخفية بقلب هالمنطقة. تراس نيكولا مطعم جديد ببرومانا، بيقدم بيتزا بيتوتية وعندو قعدة رومانسية وخيالية هالصيفية.

مخبى بين شوارع الضيعة الأثرية تراس نيكولا، قعدة خيالية بتطل على البيوت القديمة بقلب برومانا ومناظر الطبيعة الجبلية.المحل بس عنده كم طاولة، يعني هو مناسب اكتر شي لقعدات حميمة متل أعياد الميلاد وغيرها من الاحتفالات.

تراس نيكولا بيقدم تجربة أكل مميزة وساحرة الجمال بقلب بيت لبناني تراثي، وعلى تراس مغمور بالشجر والياسمين والورد والنبات المعلق والمراجيح المهضومة.

تخايلوا أديه رومانسية القعدة عند تراس نيكولا بين الأضوية الساحرة والورود الملونة؟ من أجمل المطارح الجديدة لتجربوها هالصيفية مع الشريك، قعدة رومانسية مع كاس نبيد وغروب الشمس وجمال برومانا.

هالمطعم بيقدم تجربة عشا خاص مع أصحابكن أو الشريك. بتحجزوا وقت مميز على منيو من أطباق إيطالية شهية وبيتزا بيتوتية بطعمات متنوعة وأنواع طيبة من النبيد بتكمل سهراتكن. البيتزا خفيفة ومعمولة على الحطب، بتلاقوا بيتزا العسل مع الجبنة، بيتزا مع البستو، بيتزا مع الفطر، بيتزا المارجريتا الكلاسيكية، وغيرن من الطعمات. كمان بيعمل سلطة بوراتا بطريقة مميزة ومكونات فريش وبيوتية. والحلو انو بيعمل الأكل كلو قدامكن!

للمزيد من المعلومات أو الحجز، اتصلوا على 035 177 70

شوفوا كمان، للأشخاص يلي بحبوا السفر… لقينالكن مطعم رح ياخدكن على اليونان