La Maison du Maquis: فيلا مليانة سحر وجمال هالصيفية

عبالكن عطلة مميزة؟ ضبوا الشنطة وإلحقونا! اليوم رح نروح مشوار على ضيعة عبرين بمنطقة البترون، وناخدكن على مطرح بيبعد بس 5 دقايق عن شط البترون ومحاوط بالطبيعة الحلوة من كل الميلات. مشوا نروح عند La Maison du Maquis، فيلا مليانة جمال وسحر هالصيفية.

إذا انتو من محبي الطبيعة والرواق، كتير رح تنبسطوا عند La Maison du Maquis! فيلا مزينة بالنبات المعلّق والورود، الحجر القديم والبلكونات الحلوة، الجو الرومانسي والقعدة الرايقة.

بتلاقوا قعدة على البلكون غير شكل الصبحيات، وكمان قعدة تراس مليانة جمال ومغمورة بالخضار. الحلو انو كل هالقعدات بتطل على الجنينة الكبيرة، بتقعدوا وبتسرحوا بجمال الطبيعة وشجر الصنوبر والزيتون العتيق والورد الملون.

بتقعدوا على التراس وبتتفرجوا على غروب الشمس بكل رواق، أو بتجربوا النومة بعد الضهر على المرجوحة والهوا عم يغزل غزل.

بتقضوا بهالفيلا عطلة صيفية مميزة. بتلاقوا مسبح بنص الجنينة ومخبى بين الشجرات، قعدات بالفيّ والهوا اللحو لترخوها على الآخر تحت الشمس وتسبحوا كل النهار مع الأصحاب أو العيلة.

شوا ناطرين؟ مشوا نقضي يومين غير شكل عند La Maison du Maquis!

للمزيد من المعلومات، اتصلوا على 960 249 03

شوفوا كمان، عيشوا أجواء جزيرة سانتوريني من قلب البيت الأزرق