للأشخاص يلي بحبوا السفر… لقينالكن مطعم رح ياخدكن على اليونان

إذا عبالكن سفرة على شي جزيرة على البحر بس مش عارفين وين فيكن تلاقوا هيك قعدة من دون ما تسافروا، هل محل هوي لإلكن وبس.. شي عادل بأنفه.

بتوصلوا بتلاقوا المصابيح الخافتة مضواية، ألوان الصيفية، البحر تحت إجريكن، الأكل الطيب ناطركن مع موسيقى رومانسية متل الأفلام.

شي عادل موجود بقلب منتجع بيشبه قرية يونانية إسمو “تحت الريح” بتجوا بتقضوا نهار في من العمر.

ديكور المطعم كلو أزرق وأبيض كأنكن بسانتوريني باليونان والمي رح تجذبكن كتير. بهل محل الشخصين بيتمتعوا بعرض مميز عبارة عن ساندويشتان من اختياركن بيجي معن سلطة وبطاطا مع 2 soft drinks بس ب12$، بس أكيد فيكن تطلبوا حيلا شي تاني وترجعوا تتمتعرا بالحلو لي بيعملوا.

ما في أجمل من إنو تقعدوا على البحر وتتسايروا مع الأشخاص لي بتحبوهن وتسمعوا موسيقى!

أكيد فيكن كمان تنزلوا على البحر وقت ما بدكن ومعروف بحر أنفه إنو أنضف شط بلبنان.

وأحلى شي ممكن تعملوا هوي تشوفوا غروب الشمس من هيدا المحل الحلو، مع أكل كتير طيب. تجربة يونانية ولا أروع!

للمزيد من المعلومات دقوا على 747 476 71

شوفوا كمان، أحلا مغامرة: منتجع جديد بقلب الطبيعة للعيلة كلها!