٤ محلات تخييم مميزة لازم تزوروها بلبنان

عبالكن قعدة بأحضان الطبيعة؟ أو تجربة تخييم حلوة تحت النجوم؟ خلونا نشوف سوا 4 مخيمات مميزة هالصيفية بلبنان.

1. Secret Caravan، بترون

الكارافان السري بيقدم تجربة تخييم قريبة من البحر ومخباية عن العالم، بتقدروا تعملوا بيكنيك، سهرة نار للصبح، ترخوها بالمراجيح، وتكزدروا بالطبيعة، والحلو انو النومة بقلب الكارافان، تجربة كتير مميزة بالبترون!

الرقم: 567 666 81

2. Pack and Go، إهدن

هالمخيم قاعد بين الغيوم بأعالي إهدن، خصوصي هلق بموسم الصيفية غروب الشمس والهويات غير شكل! عندو قعدة كارافان، سهرات تحت النجوم، خيم مهضومة، وكمان قعدات رومانسية خص نص للعشاق!

الرقم: 657 901 71

3. مخيم سكون، بمهرية، الشوف

إذا عبالكن تجربوا التخييم على أصولو، توجهوا على مخيم سكون بأعالي الشوف، قعدة بالغابة من فوق الجبل وبين الغيم، عندن خيّم متنوعة حسب شو عبالكن تجربوا، وسهرات بقلب الطبيعة، بتفيقوا الصبحيات وقدامكن أجمل المناظر الجبلية وكمان قريب على غابات أرز الشوف لتنبسطوا بأروع دروب المشي بالمنطقة!

الرقم: 620 131 79

4. On the Roots، سرجبال، الشوف

هالمخيم مخبى جنب النهر بمنطقة سرجبال بالشوف، قعدتو بتاخد العقل بأحضان الطبيعة وكمان قريب من الشلالات إذا عبالكن تسبحوا، أو من دروب المشي إذا عبالكن تكتشفوا المنطقة.

الرقم: 834 711 71

شوفوا كمان،٥ مطارح ساحرة لتقضوا ليلة مميزة بالبقاع