أطيب محلات الحلو بطرابلس بتحلّي القلب

اليوم خبريتنا خص نص لمحبي الحلويات، رح ناخدكن على شوارع طرابلس القديمة والأحياء الشعبية ونخبركن عن 5 محلات حلو بطرابلس بتحلي القلب!

1. الحلاب

الحلاب مقصد أساسي لكل محبي الحلويات الشرقية بطرابلس ولبنان، بيعملوا أطيب الأنواع من الحلويات، كل شي من الكنافة اللي بتنقط قطر، للمفروكة بالفستق، وكمان كل الحلويات العالمية لمحبي الشوكولا وغيره.

الرقم: 1881

2. The Sweet Spot

بتلاقوا عند ذا سويت سبوت مخبوزات شهية، حلويات مغطسة بالشوكولاتة الدايبة، البان كيك والبسكويت، وكمان الفواكة المزينة بصوص الشوكولا والحليب، شو ما بيخطر عبالكن من حلويات بتفرفح القلب.

الرقم: 112 819 71

3. Sara et Karim

إذا عم تفتشوا على قعدة مهضومة بديكور مميز و كيك كيب من مختلف وأشهى الأنواع، ما إلكن إلا كافيه سارة وكريم بطرابلس، عندن كيك الشوكولا كتير طيبة وطعمها بيدوب بالتم، وإذا عبالكن شي مع فواكة جربوا كيك الفريز أو كيك الليمون، ريحتن بتشهي!

الرقم: 705 219 06

4. Rassif

كافيه رصيف معروف بتقديم مختلف الأطباق على قعدة مودرن ورايقة، بس اليوم رح نخبركن عن الحلويات بهالمكان، من بان كيك وتشيز كيك وعصير ومشروبات طيبة بتبورد القلب، بس لازم تجربوا من عندن كيك العسل إذا انتو من محبي طعم العسل.

الرقم: 772 412 06

5. Golden Street

غولدن ستريت بيقدم الحلويات العربية على أصولها، صواني معرّمة من الحلو الطيب والمحشي بأطيب المكونات اللي بتحلي القلب، لازم تجربوه بمشواركن على طرابلس!

الرقم: 507 523 81

شوفوا كمان، ٦ محلات بلبنان بتقدم كعك طيب ومميز