سما الزعرور: جنة لازم تزوروها هل-صيفية بلبنان

معروفة إنو ضيعة الزعرور، من أجمل المناطق اللبنانية وإنو كتير ضروري كل لبناني يزورها ويشوف جمالها بعيونو.

فخلينا ندلكن على قعدة بقلب الزعرور، وبتطل على طبيعتها الخلابة.

رح نعرفكن اليوم على مطعم سما الزعرور يلي معلق بين السما والأرض وبقدم أطيب أطباق المازة اللبنانية.

تخايلوا إنكن قاعدين فوق الغيوم بتراس بطل على كل شي، وعم تتفرجوا على أروع مناظر الطبيعة دغري تحتكن.

نفسن كتير طيب على الأكل وكتير نضاف، بيتفننوا بالمازة اللبنانية وبقدموا قصص لأول مرة بتدوقوها بحياتكن متل كباب الكرز والمعجوقة لي هيي مكونة من كبة وجبنة وفليلفة وغيرن وغيراتن.

المشاوي كمان لا يعلى علين والفوارغ بيوصلوا بفخارة ما فيكن ما تحسوا بكل لقمة عم ترقص بتمكن وإنو كل كدشة فيها نفس البيت.

البطاطا، شو بدنا نخبركن عن البطاطا قدي طيبة، بتجي مش مشربة زيت وبتشبه بطاطا البيت مع قرشة زغيرة.

مشهد مغيب الشمس من هل نقطة رح يخلي قلبكن يدق… أكل طيب، منظر خيالي، برودات وروقان على الآخر وفنجان شراب مسقع، في أحلى من هيك؟ هل محل رح يعيشكن أحلى قصة حب ورح يصير عندو مطرح بقلب ذكرياتكن.

ناطركن بالصيفية وبالشتوية لتتونسوا بالجو الحلو والطقس الجبلي لي بحبوا قلبكن.

لتعرفوا أكتر عن هل قعدة، دقوا على: 063 680 03

شوفوا كمان، أحلى كزدورة على فقرا: قعدة جبلية ولقمة بيتوتية.