سمعتوا بأطيب سندويشة بسطرمة بجونية؟

سمعتو بأطيب مطعم بيعمل بسطرمة بجونية؟ خلونا نخبركن عن شو لقينا بهل منطقة!

مطعم بسطرمة أوهانس مخبى بسوق جونية القديم، والطريقة اللي بيعمل فيها البسطرمة فنية وإحترافية على الآخر. بيستعمل وصفات أصيلة وخلطات تقليدية لتطلع معو البسطرمة طيبة ومبهّرة على القد متل ما كلنا منحبها.

كل محبي البسطرمة لازم يجربوا هالأكلة عند أوهانس، السندويشة معرّمة لراسها بشرايح البسطرمة الحمرة الشهية، مقدّمة مع بندورة وكبيس لتكون كل كدشة أطيب من التانية، طعم غني وبيدوب بالتم، يعني أطيب سندويشة على الغدا!

وما خلصت الخبرية هون! أوهانس عندو مختلف أنواع السندويشات اللي بتناسب كل الأذواق. عندن سندويشة السجق كتير محرزة تجربوها وطعمها غير عالم، كمان سندويشة المقانق ما بتتفوت، سندويشة الروستو الطيبة، و حتى سندويشة كفتا غير شكل، لحمتها طرية وطيبة مع تتبيلة أوهانس السرية!

والأحلى من هيك، أنو أغلب سندويشات أوهانس تحت ال $5، يعني لقمة طيبة وما بتكسر الجيبة لكل اللي بحبوا يجربوا أشهى السندويشات. وفوق هيدا كلو، أوهانس رح يفتح قريباً بسوق البترون!

شو ناطرين؟ يلا عزموا رفقاتكن على أطيب السندويشات من تحت إيدن أوهانس بسوق جونية!

للمزيد من المعلومات، اتصلوا على 555 562 70.

شوفوا كمان، أطيب ٩ محلات بوظة عربية بلبنان