١٥ شغلة بتوقلها الإم اللبنانية بس يكون عندها عزيمة

لما يكون في ضيوف على الغدا أو العشا بينعجق البيت كلو قبل بجمعة وخاصةً الإم اللبنانية لأن أهم شي عندها تبيض وجها مع الضيوف. وبهيدا النهار بيقلب البيت عاجوج ماجوج وبصير في قوانين صارمة لازم الكل يمشي عليها بالبيت تما ياكل بهدلة.

شوفوا معنا العبارات لي بتقولها الإم اللبنانية بس يكون عندها عزيمة:

١. قوموا زبطوا أوضكن جايينا ضيوف

٢. بهالتياب بدكن تستقبلوا العالم؟

٣. يسترجي حدا يمد ايدو على الأكل، هاو للضيوف

٤. بس يجوا الضيوف بدكن تسلموا على الكل ما تجرصوني

٥. ماما روح على الدكان جبلي كم غرض

٦. روحوا غيروا تيابكن قبل ما يوصلوا الجماعة

٧. ما حدا يجرب يفتح البراد اليوم

٨. حاج تاكلوا بهالبزورات والتشيبس هاو مش لإلكن

٩. رايحة أعمل ضافيري عند منى، انتبهولي على الطبخة

١٠. طلبوا دليفري مش فاضيي أعملكن أكل اليوم

١١. استعملوا صحون بلاستيك، ما عندي وقت إجلي

١٢. بدكن تنضفوا وراكن قبل ما يوصلوا الجماعة

١٣. الشوكولا يلي بالصالون مش لإلكن، هاو للضيوف

١٤. ماما زموط على السي سويت جبلنا غاتو لليوم

١٥. من هلق عم إلكن إذا نقص شي من للمعجنات بفرجيكن

شوفوا كمان، بتعرفوا معاني هالعبارات الطرابلسية؟