بيت لينا: بيت الأحلام وجار السما ببيت الدين

هلق اليوم رح نطلع رحلة صوب بيت الدين لنعرفكن على بيت لينا… عبارة عن بيت حجر عتيق مع جنينة مهضومة تم تجديدو من جوا.

خلال دمج العناصر الموديرن مع فرش وأكسيسوارات جديدة.

هل بيت أجمل بيوت الجبل، بتشقوا الشباك العتيق الأخضر وبتشموا ريحة الأرض وبتتأملوا الطبيعة.

بتعرفوا شو أحلى شي؟ النومة مع هل برودات والفيقة الصبح على صوت العصافير مع فنجان قهوة بالجنينة. على الوعية، رح تلاقوا ترويقة ناطرتكن مع سفرة ملونة ومشكلة بألذ الاطباق وفنجان قهوة تستلذوا فيه.

هالبيت بيتألف من أوضتين نوم، أوضتين قعود مع شوميني، أوضة سفرة، مطبخ ومحل للشوي.

غير هيك فيكن تنزلوا على المي تسبحوا بالبيسين الخاص.

ولما تغيب الشمس، الضو والألوان دغري بتنعكس على البيت، يعني ما فيكن تروحوا هيك قعدة ومنظر.

قضوا نهاركن حد البيسين أو بالأوض عم ترخوها وتشربوا أطيب كوكتيل وتستمتعوا بكل وسايل الراحة لتدللوا حالكن ضمن ديكور مهضوم.

بالنسبة للأسعار، فهي 300$ بالويك-أند و200$ بنص الجمعة.

للمزيد من المعلومات، اتصلوا على 308 585 70

شوفوا كمان، لقينالكن ٤ مطاعم بلبنان بتحسسّكن إنكن باليونان