لقينالكن ٦ مطارح بصور لتعيشوا ليلة من العمر

بلّش موسم البحر والاستجمام تحت الشمس، ومن أجمل المدن تزوروها بهالطقس هي مدينة صور العريقة، ببحرها الصافي وشطّها الحلو. خلونا ندلكن بمشوارنا اليوم على 6 مطارح بصور لتقضوا ليلة من العمر.

1- دار ألما

دار ألما من أروع الأوتيلات جنب البحر بلبنان، عندكن بلكون خاص، غرف موديل قديم ورومانسي، مطعم غير شكل، وكل شي بتحتاجوا لتقضوا عطلة من العمر.

الرقم: 082 740 07

2- البوتيك أوتيل

إذا عبالكن تدلعوا حالكن بأوتيل مرتب وساحر الجمال، أوتيل البوتيك جاهز يستقبلكن على عالم من الراحة جنب البحر، سهرات وأكل طيب على غروب الشمس، وقعدة تراس من الخيال.

الرقم: 960 740 07

3- دار كاميليا

دار كاميليا بيقدملكن قعدة من العمر ببيت تاريخي قديم متل المتحف، بيتميز بالعمارة الشرقية والجلسات الرومانسية تحت الشجر.

الرقم: 500 771 81 – 082 346 07

4- منتجع الفنار

منتجع الفنار جار البحر والشمس، عندو قعدة تراس جنب المسبح مطرح ما موج البحر بياخدكن وبجيبكن، مناظر بتسحركن بجمالها لتعيشوا أجمل اللحظات.

الرقم: 111 741 07

5- L’auberge De Tyr

هالمنتجع بقلب صور رح بحسسّكن إنكن سافرتوا على جزيرة إستوائية، بيقدم نشاطات ترفيهية بالطبيعة، جنينات واسعة بتضيعوا فيها، ومسابح كبيرة بتناسب العيل والجمعات الحلوة.

الرقم: 233 339 71

6- Glimzi Guesthouse

هالبيوت الضيافة بتقدم قعدة بلكون على البحر لينسم عليكن الهوا اللطيف، وموديل شرقي بنقشات قديمة جايي من الحكايات، مطرح خيالي لتجربوا بهل الربيع.

الرقم: 799 588 71

.شوفوا كمان، مشوار على ٥ بيوت ضيافة مع قعدة من الأحلام