أطيب ٥ مطاعم جنب الشلالات مع قعدة من الأحلام

بهل الطقس الربيعي ما في أجمل من مشوار بطبيعة لبنان الساحرة، بس اليوم مشوارنا رح يكون خص نص على الشلالات المخباية بأروع المناطق اللبنانية، مشوا معنا على أطيب غدا على صوت مي وتعرفوا على أطيب 5 مطاعم جنب الشلالات حول لبنان.

1- مطعم شلالات الزرقا – بعقلين، الشوف

مطعم شلالات الزرقا مخبى بجنة الشوف، بعقلين. بتتغدوا جنب المي الزرقا الصافية، على صوت النهر والشلال بين الشجر والخضار، بتحسوا حالكن بمكان من الحكايات مليان سحر وجمال بيخطف القلوب! عندن مأكولات لبنانية طيبة، مازة شهية، وقعدة من الأحلام.

الرقم: 301 560 03

2- مطعم الشلال – جزين

مطعم الشلال بيقدم قعدة تراس مميزة بين نسمات الهوا، بتطل على شلالات جزين العظيمة من جهة ومن الجهة التانية على الوديان والجبال بالمنطقة، بدكن تلحقوا على حالكن بين اللقمة الطيبة والمنظر الساحر!

الرقم: 067 780 07

4- مطعم الشالوف – جزين

جربتوا اللحمة نية على الطريقة الجنوبية مع منظر شلالات جزين؟ مطعم الشالوف من أطيب المطاعم بالجنوب وبيقدم قعدة من العمر على لقمة أصيلة ما بتلاقوا منها!

الرقم: 774 781 07

5- مطعم شلالات نبع مرشد – المختارة، الشوف

بتطلعوا صوب منطقة المختارة بالشوف وبتلاقوا ناطرتكن أجمل قعدة على النهر وجنب الشلال، انبسطوا بمنظر خيالي من الأحلام مع أشهى لقمة مشاوي ومازة غير شكل.

الرقم: 220 310 25

شوفوا كمان، قعدة من العمر…أطيب ٧ مطاعم بأحضان الطبيعة.