أجمل قعدة على البحر بهل ٧ مطاعم بصور

من دون شك بحر صور من الأجمل بلبنان كلو، وما فينا نحكي عن سحر لبنان من دون ما نذكر جمال منطقة صور التاريخية والعريقة. اليوم طلعنا على بحر صور ولقينالكن 7 مطاعم بياخدوا العقل جنب البحر.

1- لو فينيسيان

عبالكن أطيب أكلة سمك بصور مع سفرة مميزة؟ مطعم لو فينسيان بيقدم أطيب المأكولات البحرية على المينا بصور وقدامكن البحر كلو، منظر بيشبع النظر وأكل بيشبع البطن.

الرقم: 564 740 07

2- مطعم يام

من سمك مقلي ومشوي وقريدس وصيادية، مع طاولة مليانة فتوش وتبولة ومتبل وحمص وبطاطا حرة، مطعم يام قاعد على الساحل البحري ومن أجمل القعدات لتجربوها جنب البحر.

الرقم: 646 104 71

3- دار ألما

مطعم وأوتيل حجر، بتقعدوا على التراس، بتضيعوا بصوت البحر ومنظر الموجات، وكمان بيتميز بتقديم أكل بشهي مع فيو لغروب الشمس ما بيتفوّت.

الرقم: 082 740 07

4- مطعم المرجوحة

بتلاقوا عند المرجوحة القعدة الونسة جنب البحر، نسمات الهوا اللطيفة، ومختلف المأكولات الشهية، لقمة طيبة لكل جمعاتكن الحلوة!

الرقم: 208 797 76

5- منتجع ومطعم الفنار

منتجع ومطعم الفنار بيقدم أحلى سهرة على البحر، أكل طيب، ومشروب غير شكل، مطرح مثالي لتقعدوا تروقوا راسكن وتغيروا جو بصور.

الرقم: 111 741 07

6- راستيكا

عم تفتشوا على ترويقة لبنانية على الشط بتفتح النفس؟ راستيكا عندو أطيب ترويقة لتبلشوا نهاركن بصور، ومنظر للبحر بيرد الروح مع فنجان قهوة مميز.

الرقم: 183 827 03

7- مطعم أوغاريت

عند أوغاريت بتنسحروا باللقمة الطيبة، واللمّة الحلوة، والفيو الساحرة للبحر وموجاتو، بتقعدوا وبتتونسوا بنسمات الهوا وبترخوا أعصابكن تحت دفا الشمس.

الرقم: 098 070 81 – 086 076 81

شوفوا كمان، وين فيكن تجربوا أطيب ترويقة بالجنوب؟