مشوا معنا على قعدات ساحرة بقلب غابات لبنان

بهل طقس الحلو، صار بدها مشوار بقلب الطبيعة! شوفوا معنا هل قعدات الساحرة بقلب غابات لبنان المميزة.

1– Cedar Scent – غابة أرز نيحا، جرود البترون

أجمل شي تفيقوا الصبحيات على صوت الغابة وريحة الأرض، بيت الضيافة Cedar Scent بقدملكن قعدة خيالية بقلب غابة نيحا، مطرح بعيد عن العالم بين الأرزات، القعدة مودرن وفي تراس مع فيو للغابة بشق القلب.

الرقم: 511 233 70

2- La Maison De La Foret – بكاسين

عبالكن تقضوا نهار روعة بغابات الصنوبر ببكاسين الساحرة؟ ميلوا عند La Maison De La Foret، اتغدوا بين الشجرات الشامخة وجربوا أطيب سفرة لبنانية بالهوا النضيف، استأنسوا بالقعدة المغمورة بجنة الصنوبر العتيق، وناموا لطلوع الضو ببيوت خشب مكنكنة.

الرقم: 222 800 07 – 252 828 78

3- كافيه الأرز – بشري

على مدخل غابة الأرز ببشري، بتلاقوا كافيه مهضوم بيستقبلكن على لقمة لبنانية بتشهي بين الأرزات والمناظر الجبلية اللي بترد الروح! سفرة شهية ما بدا الا هيك قعدة!

الرقم: 797 448 70

4- لوس – جزين

مطعم لوس عندو قعدة بتفتح النفس بين أحضان شجر الصنوبر، بتطل على طبيعة جزين المليانة جمال، رح تنسوا حالكن بين السفرة اللبنانية الكريمة والطبيعة الساحرة.

الرقم: 330 780 07

شوفوا كمان، عبالكن سندويشة محرزة؟ شوفوا هل مطاعم بالجنوب