أحلى عروضات السوشي بلبنان

صحيح إنو كتير من اللبنانيين ما بحبّوا السوشي خصوصي الكبار بالعمر وبسمّوا سمك ني بس بالمقابل كتير ناس بتستمتع بهالطبق الياباني وبتزور محلات السوشي بالمناسبات نظرًا لأسعارو الشوي أغلى من أي طبق دجاج أو لحمة. منهيك لح ندلّكن على أطيب محلات السوشي يلي ممكن تلاقوا عندن جودة وأسعار جدًا لطيفة عالجيبة.

١- أوشيما سوشي بار (Oshima Sushi Bar)

مطعم سوشي موجود بالسبينيس فرع الجناح فقط مشهور بعرضه (فقط دليفري) السوبر رائع خلال موسم الصيف عبارة عن ٢ سلطة كراب + ٢ مشروبات غازية + ٢٤ قطعة سوشي فقط ب ٢٢$ وهيدا شي ما منشوفو كل يوم.

٢- شينتو سوشي (Shinto Sushi)

مطعم سوشي موجود بفرعين فقط منطقة مار مخايل والحازمية. مشهور بعرضه الاوبن سوشي (Open sushi) مع العلم إنو عندو تشكيلة جدًا واسعة ومبتكرة. يعني باختصار كل مين مغروم بالسوشي وبياكل أكتر من ٢٠ قطعة لحالو ما إلو إلّا شينتو خصوصي إنو الشخص بحقّلو بسطلة كراب ضمن الأوبن كلون ب ٢٧$.

٣- أوليو أند سوتو (Olio and Soto)

الحلو بهالمطعم إنو مزيج من السوشي والبيتزا والمعكرونة الايطالية يعني إذا كنتوا ضاهرين مع أصحابكن ومش الكل بحب السوشي فيكون تروحوا علي وكل واحد بياكل شو بحب. بالاضافة لكترة فروعو بالحمرا، بدارو، الحازمية والكسليك. مطعم سوتو مشهور بعرضه ذي نابرهود (The Neighborhood) المتوفر فقط من الاثنين للخميس بضم ٤٤ قطعة مشكّلين مع سلطة كراب ب ٣٢$ وهوي بكفي لشخصين ٢٠ ب ٢٠ يعني فعليًا ١٦$ على الشخص، عرض جدًا مغري.

٤- سوشي ستار (Sushi Star)

أحلى شي بهالمطعم إنو موجود بكل لبنان مش بس بيروت يعني من الحمرا، الأشرفية، الزلقا، بعبدا، غزير، الرابية، القليعات، المنصورية، البترون، وحتى طرابلس. أوبن سوشي بيتضمن تشكيلة جدًا واسعة وقطع كبيرة من السوشي فقط ب ٣٠$.

٥- سوشي ساموراي (Sushi Samurai)

من أطيب محلات السوشي ببيروت بس الشغلة الوحيدة السيئة إنّو ما في إلو غير فرع واحد بمنطقة عائشة بكار ببيروت. عروضو مدروسة وبيوصل حق القطعة عنده أقل من دولار واحد. لحقوا حالكن واستفيدوا من عرضه الصيفي: اشتروا أي عرضين واحصلوا على عرض تالت من اختياركن. (العرض مش ساري للدليفري.)

ما بيمنع إنو في كتير مطاعم سوشي طيبة بس هول أفضل العروض المجربينون شخصيًا ببيروت.