كم وحدة من هالأمثال البيروتية الشعبية بتعرفوا؟

لبنان مشهور بالأمثال الشعبية يلي بتضلها على كل لسان بس لح نخبركن أغرب أمثال بيروتية ممكن تسمعوا فيها ونجرب نشرحلكن ياهن لأن ممكن كتير يضل المعنى مبهم.

١- ميت على ميت والقبر عم بعيط:

دايمًا منستعمل كلمة “ميّت” بالدارج لنعني قديش الشخص بارد. منهيك لمّا تنين مييتين يلتقوا بصيروا جوز أبرد من بعض وبالتالي الشخص يلي قدامن (القبر) عم بعيّط من برادتهن.

٢- تش فش بطانة بلا وج:

هيدا المثل يُستخدم لمّا ينعمل قبة ومزار على موضوع معيّن وعاطيينو أكتر من حجمو بس بيطلع بالآخر بايخ وسخيف.

٣- ملحي ما بملّح:

هيدا المثل يُستعمل لمّا الشخص يعمل منيح مع حدًا وما يبيّن في هيدا الحدا بالوقت يلي إذا حدًا تاني عمل معو نفس المنيح بقدّرو.

٤- لبّس المكنسة بتطلع ست النسا:

هيدا المثل يُستعمل لمّا يكون الشخص ما بيسوى قرشين بس معه مصاري يعني متل (Nouveau riche) منهيك منقصد إنو مصرياتو هنّي يلي عملو.

٥- ما تقول بيت وشبابيكو حُمر في شي بقلبو بيقصف العمر:

هيدا المثل يُستعمل لمّا نكون عم نتطلع بغيرنا. يعني الظاهر ببين إنو خلقوا معلقة عسل بتمّن بس الداخل بكونوا مش مبسوطين بحياتن.

٦- المال بجر المال والقمل بجر السيبان:

هيدا المثل يُستعمل لمّا الواحد يقارن أهله يلّي على قدّن بأهل رفيقو المرتاحين. يعني الأصل الأهل.

٧- جازة وجوزتك حظ من وين بجبلك:

هيدا المثل يُستعمل من قبل الأهل لبناتهن يلي طلع حظن بالزواج ما منيح. يعني صح زوجوهن بس الحظ إنو يطلع العريس منيح مش بالإيد.

٨- ما تقول رمانة قلوب مليانة:

هيدا المثل يُستعمل لمّا يكون الشخص عم يحكي عن شخص تاني وفجأة يظهر كل حقدو عليه بالوقت يلي هل شي ما كان ظاهر قبل. يعني تقول بركان وانفجر.