تعرفوا معنا على أجمل وأهضم الطوابع اللبنانية

أديه بتعرفوا عن الطوابع اللي منستعملها بالمعاملات بلبنان؟ هالطوابع الزغيرة عمرها سنين، مرّت بتحديثات وتطورات بالشكل والنوعية والسعر، وخبرية جمع الطوابع النادرة والغالية مش جديدة أبداً خصوصي لهواة هل خبار، هالطوابع عبارة عن جزء من تاريخ وتراث عريق خلق مع لبنان، وتعتبر أشبه بالتحف الفنية. اليوم فتشنا بين أكتر من 100 طابع وجبنالكن أجمل وأهضم الطوابع اللبنانية بهل اليستا.

1- هالطابع عبارة عن صورة للأسد والعصفور والكلب والوردة وكلنا منعرف انو كل حيوان أو عنصر من الطبيعة الو رمزية معينة، كمان مكتوب عليه عنوان الحكاية العربية “كليلة ودمنة ” اللي دخلت بالتراث العربي.

2- هالطابع الروعة عليه رسم جمالي للفراشة، بيدل انو الطوابع اللبنانية ما بتخلى من العناصر الطبيعية المميزة.

3- عم تتخايلوا انو في طابع للزعيم الروسي فلاديمير لينين بلبنان؟

4- طابع Mois Des Emigres أو شهر المغتربين وعلي أعلام دولية مختلفة.

5- بتعرفوا انو في صاروخ بقلب طابع لبناني؟ أي نحنا كمان استغربنا، يمكن لأن بالزمان لبنان كان يهتم بهل أمور.

6- وأكيد في طابع للبيوت اللبنانية التراثية هيي وعم تتعمّر.

7- وفيه طابع خص نص لمدينة صور الأثرية…حلو كتير.

8- هيدا الطابع انعمل سنة 1937، وللصراحة هيدا أجمل طابع بمثل الأرزة اللبنانية.

9- وأكيد لازم يكون فيه طابع للست فيروز العظيمة، جايي تصميمو حديث شوي.

10- وهيدا الطابع لي كتير حلو بمثّل الأزياء اللبنانية التقليدية…يا ريت لو فينا نرجع نلبس هيك.

11- حتى كارولس غصن عندو طابع، غريبة الخبرية بس مهضومة!

شوفوا كمان، أقدم المطاعم الشعبية المحبوبة ببيروت.