٧ محلات فيكن تطلبوا منن بيتزا غير شكل

إذا كنتو بتفكرو متلنا، أكيد بتكرهوا تطلبو من نفس المحلات كل مرة بيجي عبالكن بيتزا. فهيدي ليستا محلات من أطيب مطاعم البيتزا بلبنان لي ما منطلب منن عادةً.

١. كريستي بيتزا، برمانا

المحل المعروف بالبيتزا العملاقة يلي بيعملها! العجينة كتير طيبة وكل المكونات طازة. في كتير أنواع بيتزا عندن متل الفجيتاريان، والباربكيو بيتزا، وأكيد ما بدنا ننسى الترافل بيتزا المغطسة بالجبنة والمكونات شهية بقلب عجينة ولا أطيب.

الرقم: 158 084 71

٢. بيتزا تيتو، بطشاي

هيدا أحسن محل لتروحوا علي إذا كتير عبالكن تاكلوا بيتزا متل تبع البيت. في عندن كتير أنواع بيتزا معمولين على الطريقة الإيطالية بنفحة لبنانية وحتى أصحاب المحل كتير مهضومين. المقادير طازة ولا أطيب والصوص محضرة على الإيد كمان والعجينة رقيقة ومقرمشة.

الرقم: 183 387 76

٣. بياتزا بيتزا، قرنايل

هل محل بيعمل أطيب أنواع البيتزا المحضرة على الحطب، مننصحكن تدوقوا كل نكهات البيتزا إيطالية المصنوعين من أجود المكونات والصوص مش تقيل أبداً، رح تشهيكن كتير. بتلاقوا كمان أطباق أيطالية مختلفة متل الباستا واللازانيا.

الرقم: 563 273 81

٤. شي جيو جيو، زحلة

صراحة ما توقعنا نلاقي محل بيعمل البيتزا الإيطالية على الأصول بزحلة بس هل محل طلع على قد توقعاتنا وأكتر. هل جوهرة المخفية بقدم بيتزا طازة ملياني وطيبة، مع طبقة صوص البندورة وفوقها أكتر من جبنة – ما رح تفهموا غير لدوقوا!

الرقم: 884 822 08

٥. بروكلين بيتزا، المنصورية

العجينة روعة وطرية، غنية بالجبنة والنكهات الطيبة. هل المحل المهضوم بقدم بيتزا طازة ملياني وطيبة، مع طبقة صوص البندورة وفوقا أكتر من جبنة – الجبنة كتير طيبة وكل المكونات طازة! حتى صار فيكن تعيشوا تجربة تحضير البيتزا على إيدكن بهل محل.

الرقم: 847 534 04

٦. شيكاغو بيتزا، غاليري سمعان

رح تلاقوا كل الطعمات لي بتحلموا فيها بهل محل، العجينة سميكة والجبنة روعة والصلصة مع التتبيلة شي بجنن، فالنتيجة بيتزا من العمر!

الرقم: 681 816 78

٧. بيتزيريا دال فيكو، الأشرفية

قد ما نحكي عن البيتزا بهل محل الحكي ما بيوصف الطعمة والريحة… رح تنغرموا من أول كدشة، كل بيتزا طعمة شكل وكل بيتزا قصة بترضي كل الأذواق. الطعمة رح تاخدلكن عقلكن لأن بحطو أجود أنواع الخضرا وبحضروا صلصة طازة وأكيد ما بحطوا حيلا جبنة.

الرقم: 934 200 01

شوفوا كمان، ٤ محلات فيكن تطلبوا منن ساندويشات دجاج غير شكل.