قصر القناطر من قرن ال١٩ جاهز يستقبلكن هالموسم بدوما

اليوم رح ناخدكن مشوار على ضيعة دوما الأثرية بالبترون اللي انشهرت بجمالها الساحر، وبيوت القرميد الأحمر، وسوقها العتيق. هالضيعة قريبة على القلب ومعروفة بزراعة الزيتون والتين والتفاح والكرز والنجاص. مخبى بقلب دوما بيت ضيافة بياخد العقل، The Stone Cellars عبارة عن قصر القناطر والحجر من قرن ال١٩، معتمد أسلوب العمارة الشرقية لتجربة ملوكية ساحرة.

هل مطرح برجعّكن بالتاريخ لورا على زمن الحكايات والخيالات، بحجرو العتيق المرصوف، وجنيناتو الرومانسية الواسعة، وشجرو العالي اللي بحسّسكن إنكن مخبايين عن العالم، هوي مزين ببياض التلج بالشتوية وقعدة بلكوناتو المبوردة بتاخد العقل بالصيفية.

هالقصر بيتميز بالجو الأثري والتراثي، تفاصيلو مكنكنة من الخشب العتيق، شبابيكو مقنطرة، نقشاتو بيتوتية، وعندو بكل زاوية ورد وتحف ولوحات فنية عمرها سنين… منظر بيشبّع النظر وبريح النفسية وبروّق الراس.

عندو جو دافي وقعدة مع أضوية خافتة كتير لطيفة ورايقة، بس أوض النوم غير عالم! ديكور من الحجر القديم، سقف مقنطر، تخوتي من الأحلام بتناموا فيها أحلى نومة لطلوع الضو.

كل شي فيه هالمطرح بيحاكي فخامة وأصالة التراث اللبناني من خلال الغرف الغنية بالحضارة والفن والإبداع بالجماليات.

للمزيد من المعلومات، اتصلوا على 485 283 71

شوفوا كمان، لقينا ٣ مطاعم بدوما مع قعدة بتطير العقل.