جاكوزي بالتلج: أحلى قعدة شتوية بمنطقة اللقلوق!

عبالكن تهربوا من الواقع وتنسوا حالكن بمشوار من العمر؟

إذا كنتوا من محبي التلج والرواق والتجارب الفريدة من نوعها، شوفوا معنا هل منتجع! Nirvana & Shangri-la Hotels بيتألف من Nirvana Hotel وShangri Hotel، هونيك ناطرتكن قعدة بترد الروح، دغري فوق الغيوم بين التلجات.

قاعد بمنطقة اللقلوق يعني أكيد بكون الطقس بارد وخرج الكنكنة. وكمان المنتجع في جاكوزي خاص!

المطرح الموجود في هل منتجع حلو كتير بيكشف على كل اللقلوق يعني أحلا مناظر بوج التلجات. طب شو رأيكن إنو ما في داعي تتخايلوا هل تجربة الساحرة، لأنو فيكن تعيشوها.

الجاكوزي مجهز على حرارة عالية، لتقدروا تقعدوا في بنص البردات. قضوا نهاركن بالمي السخنة وغيروا جو لو لشوي.

هل التجربة ما بتتفوت بإيام التلج، ما فينا نوصف قدي بكون المنظر سحري.

عم تشربوا فنجان قهوة على رواق وجسمكن كلو بالمي السخنة، راخيينها ومنظر التلج قبالكن والدني برد وإنتو دفيانين… متل شي حلم.

النومة بقلب الأوتيلات كتير مريحة، والقعدة والترويقة وفنجان السحلب من قلب التلج إلن طعمة غير شكل.

بتبلش الأسعار ب280$ وفيكن تاخدوا الpackage لي بناسبكن إنتو وأصحابكن بالأوتيل لي بناسبكن.

غير هيك، المطعم بحضر أكلات شتوية لذيذة متل الفوندو والأكلات اللبنانية الشهية بتكملها كاسة الهوت شوكولات حد النار وأطيب الطبخات والحلويات.

مين بتاخدوا معكن على هيك مشوار؟

لتعرفوا أكتر عن هل منتجع اتصلوا على 112 441 03.

شوفوا معنا كمان، بروفانسال: فندق الأحلام وجار السما بإهدن.