أحلى قعدة دافية بالطبيعة الساحرة عند سكينة فتقا

منطقة فتقا متل الجنة على الأرض بالشتوية، بطبيعتها الجبلية وبروداتها الحلوين، فطلعنا اليوم على هالمنطقة وجبنالكن بيوت ضيافة مع مطعم بياخدوا العقل عند سكينة فتقا، كفوا معنا لتعرفوا شو مخبيلكن هالمطرح.

هالمطرح بتستأنسوا بجلسته وبتاكلوا أكل طيب وبتناموا نومة هنية فيه، بتهربوا من عجقة المدينة على مساحة خضرا مليانة شجر وعندها فيوو للجبال والوديان بترد الروح.

بتلاقوا عند سكينة فتقا مطعم لولي، بيعمل الأكل فريش من الجنينة وعنده قعدة مكنكنة جوا وكمان قعدة تراس تحت الشجر والنجوم برا، بقدم مأكولات مختلفة من السلمون والقريدس والدجاج والبرغر والأطباق الإيطالية والفرنسية، مع سلطات وشوربات متنوعة، وأكيد الحلو لتكملوا سفرتكن على الآخر. وما تنسوا تجربوا النبيد عندن بالبار غير شكل.

بقدملكن سكينة فتقا 15 بيت ضيافة مكنكنين بين الشجر، منن من الصخر العتيق ومنن بيوت خشبية مودرن، كل واحد أحلى من التاني ودافيين على الآخر بهل الطقس!

فيهن غرف قعدة مع صوبا على الحطب وأوض نوم مهضومة بموديل مودرن ورايق ومطبخ مجهز بكل شي بتحتاجو، بتضهروا على الجنينة وبتتفرجوا على الخضار.

هالمطرح مناسب لضهراتكن مع الأصحاب ولمشوار رومانسي مع الحبيب، بالشتوية قعدته دافية وبالصيفية عندكن مسبح بياخد العقل.

70 522 225 للمزيد من المعلومات اتصلوا على

شوفوا كمان، أحلى كنكنة بهل كهف الحجر بالبترون.