شو عاملين؟ شوفوا هل بوفيه المفتوح بفيلا السعادة هل ويك-أند

عبالكن تتغدوا بفيلا السعادة بالجبل وتقضوا وقت حلو آخر الصيفية؟ فيلا جوا عم تقدم من أطيب وأغنى بوفيه على الغدا بلبنان.

دللوا حالكن ومشوا معنا على فيلا جوا Villa Joie يلي هوي عبارة عن بيت ضيافة موجود بمنطقة فتري بجبيل، محاط بالشجر والورود والزيتون من كل الميلات وبيكشف على أجمل المناظر الطبيعية.

الخبرية وما فيها إنو هل ويك-أند، نهار الأحد، رح يكون في بوفيه طويل عريض بالفيلا من الساعة 12h، مع العازف روجيه زعرور والمغنية جوانا بو نصر وكمان في section مخصصة للإكسسوارات شغل إيد ورح تتذوقوا نبيد من Le Toubib.

كل شي ممكن يتخيلوا عقلكن، من مقبلات باردة لمقبلات سخنة، أكل لبناني وأجنبي رح يكونو جاهزين وناطرينكن على الطاولات. الغدا رح يتضمن: أنواع سلطات مختلفين، كلوب شاندويش، معجنات، ميني برغر، وأكيد قصص طيبة كتيرة. وللناس لبتحب المقبلات السخنة كمان رح يكون في أنواع باستا مع صلصات بتشهي، ودجاج مشوي، ودجاج وبطاطا، وغيرن كتير.

الولاد رح يتسلوا كتير إلن حصة. حصة الأسد. رح يكون في ألعاب ترفيهية وبرامج خاصة للولاد. وهيك بيكمل المشوار، ما في أحلى من هيك مشوار!

بالنسبة للأسعار فهيي ببتراوح على الشكل التالي: 40$ على الكبار، 20$ على الزغار تحت ال12 سنة ودخول مجاني للولاد لي تحت ال4 سنين.

احجزوا مطارحكن على الرقم التالي: 950 009 76

صحتين سلف!

لتعرفوا أكتر عن فيلا السعادة، تعرفوا معنا على فيلا السعادة بلبنان… شو سر هل بيت الساحر الموجود بأحضان بالطبيعة؟