هيدا المطعم بالشمال عامل بوفيه غير شكل هل ويك-أند بالطبيعة

مين بحب أكل البيت؟ ما في أطيب من أكل البيت نهار الأحد ولهيك رح ناخدكن مشوار على بيت هيفا بالكورة.

بيت هيفا عبارة عن مطعم مميز بيتمتع بتراس بطير العقل لتاكلوا وتستمتعوا بكل لقمة طيبة مع قعدة مريحة وهوا نقي و خدمة ممتازة.

هل أحد هوي آخر نهار رح يكون في بوفيه مفتوح على التراس لكل محبين هل قعدات اللذيذة. البوفيه بيتضمن مجموعة متنوعة من السلطات والمقابلات الصخنة والباردة وكل الأكلات لي بحبها قلبكن.

بيت هيفا بيعملوا مونة كمان، كل شي بيخطر على بالكن موجود: دبس الرمان، مربى البندورة، مي ورد، مي زهر، زيت زيتون، زعتر بلدي، مربى بلدي وغير منتجات وأكيد كل شي مصنوع بحب!

فيكن تحجزوا هل مكان لمناسباتكن الحلوة لأن المحل كتير حلو لتاخدوا أجمل الصور.

الولاد كمان رح يتسلوا لأن في فسحة ومحل ألعاب ليفلتوا ويتسلوا بعد الأكل ويتركوكن تروقوا أعصابكن.

فسمعوا منا وقضوا نهار بهل محل وعيشوا تجربة ما بتنتسى!

للحجز والاستفسار اتصلوا على 152 513 03

شوفوا كمان: أحلى مشوار للعيلة والولاد على زغرتا وقعدة بحضن الشلال بهالمطعم.