يلا ع الطيب: أشهى ٧ محلات شاورما بلبنان

كلنا منعرف أديش طعمة الشاورما عالم تاني، ولأنو منعرف أديش إنتو بتحبوها كمان، شوفوا معنا ٧ محلات شاورما بلبنان ما بتلاقوا متلا.

١- شاورما جوزيف – سن الفيل

أقوى مطعم شاورما بلبنان كلو، لو بتلفوا الدني ما بتلاقوا متل سنديشاتو! الشاورما عندن تجربة بحد ذاتها مش بس أكلة.

الرقم: ٧٠٣٧٤٠٤٠ | ٠٣٤٤٠٤٨٠

٢- أبو صبحي شاورما – طرابلس المينا

شاورما خرافية من عند أبو صبحي، و فوق إنو السندويشة فيها شاورما ليوم الشاورما، بحطلكن فوقها طربوش توم تتكون اول كدشة ما بتنتسى!

الرقم: ٠٦٤٣٣٧٢٠ | ٧٦٥٠٠٩٤٩

٣- بسطرما مانو – برج حمود

ساندويشات شاورما ما بينشبع منن، المنظر مع التوم بشهي و الطعمة عأشهى.

الرقم: ٠١٢٦٨٥٦٠ | ٧٠١٥٣٠٨٣

٤- أبو العز – الدكوانة

ساندويشة شاورما، و بيتزا شاورما، و برغر شاورما، ورز مع شاورما، كل شي بيخطر عبالكن من الشاورما وبتحلموا في ح تلاقوا عند ابو العز! خدوا أطيب كدشة شاورما من عندن مع بطاطا مقلية مقرمشة ع الآخر.

الرقم: ٧٠٨٣٣٨٧٧

٥- سبايسد اند سلايسد Spiced and Sliced – فروع مختلفة

شورما بتشق القلب! كتير دسمة من جوا، فيها كل شي جايي عبالكن و الطعمة ع القد!

الرقم:

الحمرا ٧٦٣٦٣٣٦٣

الأشرفية ٧٠٣٣٣٣٦٢

أنطلياس ٧٠٣٣٣٣٦٤

٦- بسطرما بيدو – برج حمود

شاورما سوبر طيبة و قوية، معمولة على الأصول و مقدمة بشكل بشهي.

الرقم: ٠١٢٦١٤٣٩

٧- الإستاذ – فروع مختلفة

بهل المحل فيكن تعجقوها بالشاورما ع المزبوط! الساندويش كبيرة و التقديم خرافي والطعمة عالم تاني.

الرقم: ٠١٢٨٢٨٦٦

إذا عبالكن تجربوا أكلات غريبة عجيبة شوفوا كمان، من كيك الورق عنب لكرواسون الشاورما: ٩ أكلات غريبة لازم تدوقوها بلبنان.