١٨ طريقة بيتهرب فيها اللبناني من مشروع

كلنا مظبتين مشروع ورجعنا قررنا إنو ما كتير عبالنا نروح، بس في أوقات منتشجع ومنندم. كرمل هيك، اللبناني صار خبير بفن الهروب من المشاريع. شي مرة مستعملين هل أعذار؟

١. يلي توفى رفيقو يلي ما حدة سامع في

“عنجد صارت فجأة”

٢. يلي بيتحجج بامه

“حرام الماما بالبيت لحالها”

٣. في يلي أصلاً بيعمل حالو ناسي وما برد عل تليفون

بس ما تخاف رح يرد عليك بعد شي جمعة

٤. لما نعمل حالنا اكلين جريب

بس بتاكل خرا لأنو صار بدن يزوروك بالبيت

٥. يلي بيعمل حاله كان عامل مشاريع وناسي

بس هو فعلاً قاعد بالبيت عم يتابع “مرارة الحب”

٦. وفي يلي بيتخانق مع رفاقو ويتصالح معن بعد ما ينلغى المشروع

إذا حداً من رفاقك عمل معك مشكل قبل عيد ميلادك كون أكيد إنو عم يتهرب من إنو يجبلك هدية

٧. يلي بقول ما معو بنزين بس بعدو مبارح معبا

“يا زلمي بقيت ساعتين واقف بالصف بس خلص لفيت ورجعت عالبيت”

٨. يلي صار لاقت كورونا لرابع مرة

وبتسائب كل ما بدكن تضهرو…

٩. يلي بيخترع قصة خيالية عن كيف نقطعت فيه السيارة بجونية وكان مضطر يمشي مشي على بيروت

وكان طول الوقت فاضي التلفون يعني مستحيل يتواصىل مع حدة يساعده

١٠. يلي بقضي النهار نوم

وما بكون عاملها عن قصد…

١١. يلي قال إنو عندو عرس أو دفن بس مش ذاكر الكذبة وضيع بين التنان

١٢. يلي فجأة بصير أعز أصدقاء مع بنت عمو يلي وعدها يقضوا النهار سوى

“بتتذكر بنت عمي يلي آخر مرة شفتها كان عمرها ٥ سنين؟ وعدتها نضهر اليوم”

١٣. يلي اخترع حجة مش عارف إذا قادر تصدقها بس ممكن تكون مظبوطة

“الماما وقعت طنجرة الأكل على الكلب هي وعم تعمل مجدرة وكان لازم آخذه طوارق لأنو فكرنا نكسرت اجره”

١٤. يلي بكون صريح وبقول إنو ما بدو يروح

الصراحة راحة بس بكون بعصكن آخر دقيقة

١٥. يلي ما بقول إنو مش جايي وبكون الكل ناطر يوصل

١٦. يلي بقول عندو شغل حتى لو نهار عطلة

عارفينو كذاب بس مين إلو عين يحكي شي؟

١٧. يلي بفرجيك الحديث مع امو عل WhatsApp لأنو ما قبلت يضهر

بس هو بكون قايلها تبعتلو “لأ”

١٨. يلي مقطوعة عنده الكهربا وما قدر يشرج التليفون

“أصلاً عايش عل عاشر وما في مصعد…”