لقينا أطيب عوامات شوكولا بلبنان!

مين ما بحب السكر والعجين والقلي؟ إيه…كلنا منحب هيك أكلات! كرمال هيك منعرفكن على Choco Chic، محل حلويات بيجمع حبك للحلو العربي والحلو الأجنبي.

مش ضروري يكون في مناسبة أو عيد لتجيب عوامات الك وللعيلة، فيك تتحلى فيهن بالبيت بعد العشا!

هيدا المحل بقدم عوامات محشية ومزينة بحلوياتنا المفضلة! إختار بين Nutella يلي بدوب بالتم أو الLotus المقرمش.

فيك تطلب رشات ملونة من الفستق الحلبي أو Lotus. تخايل القرمشة من برا وشوكولا الNutella الدايب من جوا!

فيكن تلاقوا المحل بالصرفند، ب مطعم فروج العبدالله من ١٢ الضهر حتى ١٢ منتصف الليل.