أجمل قعدة على النهر بلبنان، بتلاقوها هون

بظل كل الظروف الصعبة يلي عم نمرق فيها بلبنان، منستاهل مشوار لنغير جو ونروق اعصابنا.

وهيك مشوار ناطركن عند نهر “زين”، قعدة بمنطقة الشوف، بملتقى النهرين، بتبعد ٢٠ دقيقة عن بيروت.

نهر زين هو أجمل مكان لكل حدا عباله يهرب من الفوضى ويقضي وقت بالطبيعة.

هونيك فيكن تسبحوا بالنهر وتقعدوا بين الخضار والشجر، وأكيد ما مننسى المشاوي للغذاء لأنو غير هيك ما حلوة الضهرة.

كمان فيكن تناموا هونيك، وانتو بتختاروا أو تجيبوا خيمة من عندكن أو تستأجروا كوخ هونيك.

عالحالتين رح تكون ليلتكن غير شكل، مع النار والشاي للسهرة، والقهوة بالطبيعة الصبح بكير.

عنجد مشوار من العمر!