أكل طيب وقعدة حلوة ونهر جاري عند هيدا المطعم بلبنان

أكتر محلات خرج تروحوا عليها هي إلي بتجمع كل مكونات الضهرة الحلوة. وهيدا المحل جامعهن وزيادة.

مطعم لي بوا (Le Bois) بمنطقة بالوع بلعا، تنورين عنده كل شي.

أكل لبناني طيب من المازة للمشاوي للحلو وكل شي ثاني بيخطر عبالكن موجود عند هيدا المطعم.

كمان عنده قعدة مميزة لأنه موقعه دغري فوق النهر الجاري من نبع بالوع بلعا، إلي هو من أشهر شلالات بلبنان. يعني المطعم بطل على النهر وميته الصافية والنضيفة.

شو فيكن تعملوا هونيك؟ غير الأكل والتحلاية والقهوة والجمعة الحلوة، فيكن تسبحوا بالنهر مع البط وتتفرجوا على المناظر الساحرة حوليكن.

حتى فيكن تقضوا الليلة هونيك وتعملوا كامبينغ وتناموا بالطبيعة بين الخضار والجمال. تجربة ما إلها مثيل.

عنجد هيدا المطعم ما لازم تروحوا عليكن.

للمزيد من المعلومات تواصلوا معهن على 81322901 او 03517560.