عبارات لازم تكون حافظها لتسوق بلبنان

نحن اللبنانية فاتحين قوانين عحسابنا بالسواقة، لا إشارات ملتزمين فيها ولا طرقات منيحة لنسوق عليها والجور وين ما كان موجودة و من الطبيعي انو صار عنا عبارات وجمل كل يوم منقولها نحن وعمنسوق.

رح نبلش أول شي بلغة الزمامير:

“زموران صغار” يعني وصل يلا نزلوا.

“زمور واحد طويل” هيدا الزمور كتير تقيل و منوع بجميع المسبات والشتائم على أنواعها.

“روح بعكس السير أسرع” معقول يكون في لبناني مش عاملا وفايت بعكس السير.

“أكيد أخد دفتر سواقة بالواسطة أو جاييه الدفتر عالبيت” هيدي العبارة ما في أكتر منا لما يشوفوا اللبنانية حدا ما بيعرف يسوق.

“لحظة لدق لفلان” هيدا اللبناني ما في أشطر منو بالواسطة مع المسؤولين بالأخص لما يكون مخالف القوانين بيحمل التلفون و ببلش يدقدق.

“ركبوا حاجز! ومش وقتوا هلئ” هيدا لما يركب الحاجز فجأة وتبلش عجقة السير.

“آخ راح الدولاب” ما في اكتر منها هالجملة بتنقال دايماً بوجود الجور بلبنان.

“شو باك معقول راسك وقاف عجنب” أكيد الكل بعاني من شوفرية التاكسي لما يوقفوا فجأة ويروح فرامكن.

“يلا ناخد سلفي” ومين ما بيتصور هوي وعمبسوق بلبنان؟ وبالأخص بالعجقة بيفتحوا ستديو.

“شو هيدا البلد! هيدا زريبة مش بلد” أكيد كلنا بجن جنونا لما يسكروا فجأة الطريق والإشارة لحتى يمرق موكب سياسي.

“يلا نبلش نزورب” ومعقول في لبناني مش حافظ كل زواريب المناطق ليهرب من العجقة.

“شو هالقد حمار ما بتعرف تسوق بالمرة” كل يوم اجباري تنقال هالجملة لما يطلعلنا حدا يعصبنا بالسواقة.

“ايه بحقلك تأسرع ومعك كميون” فيلم الرعب ببلش كل يوم على كواع عاريا بسبق مع الكميونات.

“شو ماشي عبيض” لما بيشوفوا اللبنانية حدا ماشي عمهلوا بنص الأوتوستراد بيفقعوا هالجملة وببلشوا يطفوا ويضووا الأضوية ليمرقوا.