١٥ قانون موجود بكل بيت لبناني

إذا عايشين مع أهلكن يعني لازم تحترموا القوانين يلي موجودة بالبيت اللبناني، وإسترجوا ما تعملوا هيك.

١. ما فيكن تقفلوا الباب بلا ما يكون عندكن عذر جاهز.

“ليه مقفله الباب؟”

“عم بلبس دقيقة!!!!”

٢. ما فيك تفل من البيت بلا متخبر لوين!

٣. ما فيك تفوت على البيت إذا ما بلغتن قبل بوقت.

٤. ما فيك توطي صوت التلفزيون إذا أهلك عميحضروا أخبار

أصلاً مين بيحضر خطاب بلا ما يوعي الجيران

٥. ونفس الشي إذا عم بيحضروا مسلسل

مصيبه!

٦. ما فيكن تطلبو من امكٌ أو أبوكن إن يعملولكٌ سندويش بوقت المسلسل

يعني بركي عالدعاية!

٧. ما فيكن ما تشاركوا بصبحية نهار الاحد.

٨. ما فيكن تتحدثوا عن قصص مهمة بالمجتمع.

ما في شي في يغير طبع أهالي اللبنانية

٩. ما فيكن تبقوا بالحمام مدة طويلة (يعني إجمالاً شي ١٥ دقيقة)

وإلا ببلشوا ي دقو عالبيت.

١٠. ما فيكن تعزموا أصحابكٌ قبل مت خبروا أهلكن عنهن

١١. ما فيكن تبقوا بالبيجاما كل النهار

إلا إذا حرارتكٌ ٤٠ درجة

١٢. ما فيكن تاكلوا من الضيافة للمعازيم

بس لازم انتو تروحوا تشتروهن.

١٣. ما فيكن ما تسايروا الضيوف

سلم ع عمك نبيل

١٤. ما فيكن ما ترفضوا طلب من أهلكن.

إلا إذا حابين تسماعوا “ما حدا حاسس فيي”

١٥. ما فيكن تاكلوا برا أو تطلبوا ديليفري إذا طابخة امكٌ.