٦ برنامج تلفزيون الواقع لبنانية ما مننساهن

مافي شي منشوفو على التلفيزيون اليوم بيشبه لي كنا نحضرو على شاشتنا الصغيرة بأوائل سنة ٢٠٠٠.

نسخات عربية من برامج متل ستار أكاديمي وسوبر ستار أخدت محل بقلبنا وفسحة أكبر بذاكرتنا، أية من هول بتتذكرو أكتر شي؟

١. قسمة ونصيب

بلش التفتيش على العروس المثالية سنة ال٢٠٠٧ على ال-LBC لما شاركت مجموعة من الشباب ووالداتهن بالبرنامج ليلاقوا توأم روحن.

٢. Project Fashion

كان البرنامج بتقديم ميس ليبانون السابقة نورما نعوم، وظهر لأول مرة سنة ال ٢٠٠٦ على تليفزيون المستقبل.

٣. Mission Fashion

بعد Project Fashion بكم شهر، ظهر هيدا البرنامج للموضة على شاشة الLBC، بحضور المصمم العالمي ايلي صعب. وكان بيتضمن مسابقتين، وحدة للمصممين والثانية لعارضات الأزياء.

٤. الوادي

انعرض هيدا البرنامج من ١٣ سنة وبعدني ما فهمت شو موضوعه. بشكل ملخص، ١٤ شخص بيجتمعو من بلاد عربية مختلفة تحت سقف واحد: المزرعة. عليهن يجربوا يتأقلموا بظروف الحياة البسيطة، تحت اشراف هيفاء وهبي.

٥. ضيف البيت

تتذكرو لما مشاهيركن المفضلة العرب شاركو ببرنامج ليعتنوا بولاد لمدة ٥ أيام وبميزانية محدودة بينما الأهل آخدين إجازة؟

٦. Survivor

هيدا البرنامج يلي طلع ب ٢٠٠٤ هو نسخة عربية من Survivor، ١٦ متسابق من دول عربية مختلفة عايشين ب كينيا ل١٥ إسبوع وعم يتباروا.