١٢ عادة من عواید العرس اللبناني

الصیف. موسم "العقبالك" متل ما منسمیه. أغلب الأوقات بیختاروه اللبنانیة لیعملوا عرسن بالهواء الطلق، بالجبل أو حد البیسین. منستعرض هون دزینة من عواید العرس عنا وهول شوي من كتار ما بیخلصوا.

١- "جنة الأولاد منازلهم": منبلش ببطاقة العرس یلي عادة بتنختم بهاللطشة الدیبلوماسیة. ومع هیدا أمرار معزومین بطنشوا وبجیبوا ولادن معن sans faire attention.

٢- أهل العرسان عالباب: إذا عاجقة والصف طویل بدكن تنطروا دوركن لتوصلوا عالتبویس. فیكن تقولوا كل شخص قدامكن عندو أقل شي ٨ / ٩ بوسات لازم یبوسن / ینباسن قبل ما یقطع.

٣- الرقم: بدل عطاولتكن. موقعا مهم واستراتیجي حسب صلة قرابتكن بالعروس / العریس أو المركز الاجتماعي تبعكن )بلا زغرة من الباقیین(. بالنص في تشكیلة زهور عالیة عادة ما بتخلیكن تقشعوا مین مقابیلكن.

٤- الفرز: جماعة العریس من میل. جماعة العروس من میل. بحد بیناتن حلبة الرقص بنوضروا عبعض من خلالا.

٦- الرقص والرقص والرقص: في ناس بنتطر مناطرة هالمناسبة لتخلع وما توقف: منشوف: المعزومة محترفة الرقص الشرقي، الدبیك القاسي، یلي شدو / ها من محلو / ها شد واضطر / ت یسایر / تسایر وعم یهز / تهز بلا نفس، وهون كمان في یلي ما بیستغنوا عن تلیفونون والولاد یلي زمطوا وحكینا عنن بالأول مع الدهشة بعیونن!

٧- جولات الطعام: وحدي للمازة: باردة بالأول بعدین سخنة. الطبق الرئیسي: هني طبقین او تلات للأمانة: لحمة، دجاج، سمك. أما غاتو الفلین فهوي مش للأكل… لا، لا،لا… هوي بس مقدمة لافتتاح بوفیه الحلو والفواكة. هون كمان في صف ونطرة.

٨- الزفة الأولانیة: هي القصة كلا. جماعة العریس الصبیان بیضهروا بجوبوا بهیصة كبیرة مع الطبولة والزمامیر. العروس بتنزل عالدرج مع الوالد وبكروا دموع النسوان هني وعم بشوفوها "طلت تضحكلو الصبیة".

٩- العرس: هوي استمرار للرقص وجولات الطعام بوجود العروس والعریس لأن بالنص الأولاني ما كانوا بعد وصلوا. ببدلوا المحابس وبیشبكوا إیدین لیشربوا العصیر بحركة بهلوانیة بدا كتیر خفة بصراحة.

١٠- الزفة التانیة: هون كمان بیجوا الزفیفة بطبلوا وبزمروا وفیكن تقولوا بیوصل الأدرینالین للركب… وأمرار للدینین. حسب.

١٠- صورة عالقاعد وتانیة عالواقف: بیبرم مصور بین الناس عالطاولات وبصور "الكابلز" و "العیل" لأن هیك "عادة" بكونوا جایین. هون، یلي عم یتصوروا، بقربوا راسن عبعضن وبیضحكوا ضحكة كبیرة بس كلاس )بدون جلقان أبدا(. الصورة التانیة: لما یروح كل "كابل" أو "عیلة" معزومة عند العروس والعریس ویتصوروا معن صورة بانورامیة تخلد هاللحظة التاریخیة ویلي مفروض إنا وحدي بالعمر وما بتتكرر.

١١- زفة الضهرة: هي كمان زفة "االله یوفقكن". الخاتمة. الكل بیرفع إشارة الإستسلام وبفلوا العروس والعریس.

١٢- برمة العروس: منلحقا مع جوزا بسیارتنا عباب الأوتیل / المطار / البیت الجدید… منلخبط السیر، منتسبب بعجقة ومنصرع الدني بالزمامیر، لأنو هیك، نحنا اللبنانیة، منحتفل!

بالأخیر نفرح من یلي بدن ونقشعلن إذا بدن. ملاحظة: بیتخلل الزفة / الزفات وقص الغاتو كتیر فرقیع.