هالإطلالات رح تذكركن إنو شريهان هي أيقونة الفوازير

بالنسبة لكتار من ولاد جيلنا، ارتبط بذاكراتنا شهر رمضان الكريم بالفوازير، والفوازير يعني نيللي، بس أكتر شي أكتر شي يعني : ش.ر.ي.هـ. ا. ن!

نجمة برنامج الحزازير يلي كان ينطرو الجمهور العريض بالعالم العربي من سنة لسنة غابت لفترة طويلة بسبب مرض خبيث جرب يسرق شي من جمال وجا الرائع، بس تغلبت عليه بصلابة الإرادة والرغبة بالسعادة وما قدر ليا.

اليوم عم ينحكى إنو “شري” راجعة وبقوة مع شعر طويل كتير، أطول من اليوم يلي اضطرت تبعد عنا فيه.

خلونا نستعرض هون مجموعة إطلالات مختلفة لرائدة لأزياء الغريبة العجيبة، شهرزاد ألف ليلية وليلة يلي سبقت عصرا وأوانا بحسب النقاد الكبار:

١. بالزي الفلكلوري الشعبي مع تويست خاصة جداً

٢. الفساتين البيضا العملاقة مع التاج كانوا متل ترايد مارك مسجلة بإسما

٣. لما يكون المهرج مش بس سوبر مهضوم، وبمنتهى الأناقة كمان

٤. هي بتحب كتير الأوفرولات متل ما دارج هلأ. واحد منن أخد ضجة فظيعة لدرجة إنو انعمل منا باربي ولابسة متلو.

٥. وهيك شريهان بتبرم فينا العالم، عجناح الإبر والخيطان:

٦. بيتعددوا الشريهانات وبيختلفوا قوالبن لقالب واحد، لمرأة وحدي جميلة وفنانة وصاحبة ذوق عالي. بتقول إنو التياب ما ضروري أبداً يكونوا غاليين ليكونوا حلوين وإنا بكل بساطة بتستوحي خطوطا من مشاهدة السمك يلي بتتأملوا لوقت طويل.

٧. وأخيراً، بس نحكي عن شريهان، وعن أناقة شريهان، ما فينا ما نذكر المصمم اللبناني- العالمي فؤاد سركيس، لأن الإسمين اقترنوا لفترة طويلة مكللة بالنجاح الباهر. تنيناتن كانوا بالفعل جريئين وعملوا شي ما بيسترجي حدا يعملوا إلا إذا عندو جنون وحلم الفنان.