زياد الرحباني ببيت الدين بعد ١٦ سنة

إبتداءً من الثلاثاء أول أيّار، وكل ثلاثاء، بيرجع مبدع الشعب، الأخوت الجميل، زياد الرحباني يحيي حفلاتو الموسيقية بالبلو نوت – الحمرا.

هالحفلة الأولى يلي مساقبة ععيد العمال، والحفلات يلي رح تتبعا بحضّروا لظهور جماهيري أوسع للفنان الكبير، يلي بتوج بمتل هالأيام أربعين سنة من التأليف والتلحين وكتابة المسرح والأغاني والنقد الاجتماعي. زياد بيفتتح حفلات بيت الدين بين ١٢ و١٣ تموز. العرضين المنتظرين رح يتضمنوا قديم معروف، شكل جزء من هويتنا وذاكرتنا، وجديد بينسمع لأول مرة برفقة جوقة من نسوان ورجال وأوركسترا من موسيقيين لبنانية ومصاروي، سوريين، أرمن، روس، هولنديي وفرنسيين.

أما بالغناء المنفرد، برافق الرحباني عالبيانو منال سمعان من سوريا وحازم شاهين من مصر.

ممكن كتار اختلفوا مع زياد بالفترة الأخيرة حول مواقفو السياسية، بس من دون شك هوي، بأعمالو المش عادية، ظاهرة بعالمنا. آخر إطلالة إلو ببيت الدين كانت عام ٢٠٠٢، وبتوصف نورا جنبلاط مشاركتو الجايي على إنا حدث إستتثنائي لرمز أصيل من حقبة نضالية بالتاريخ الجديد