٨ إشيا بصيروا عغدا كل عيلة لبنانية

أهلك متل أهلي شي؟ بحسوا إنو غدا العيلة مهم وضروري متل الهوا والمي؟

١ – لما بيعلقوا وين بدنا نروح

إمك عبالا إيطالي، إختك بدا صيني، خيك رح يجن عالطاووق أما كل شي بدو ياه بيك فهوي إنو ما تنكسر الميزانية بهالضهرة.

٢ – لعبة الإنتظار

حجزتوا وكل شي وهلأ صرتوا جاهزين لتضهروا… أو هيك عالقليلة كل واحد منكن عم بقول. بس فعلياً كلكن عم بتكذبوا كذبة الـ “تلت ساعة ماكسيموم وبكون خالص”. هيك بتبلش اللعبة: إمك عم بتصرخ من غير قوضا: “يللا… وين صرتوا؟ ما تنطروني كتير.” وبنفس الوقت بعدا مدورة السيشوار. إختك بتفوت عقوضتك بلا ما تدق الباب و بتسألك إذا فيا تستعير قميص. هيدا المشهد بيستمر حوالي تلتين الساعة لتصيروا عنجد كلكن جاهزين.

ملاحظة: بيك لابس وقاعد من التمانة الصبح عم يحضر أخبار بالصالون.

٣ – الكا را أوكي بالسيارة

إذا أهلك لذيذين رح يسمحولك تعملا إنتا وإخواتك. بس إذا عندك أهل متل أهلي فإنتا وإخواتك مجبورين تسمعوا كل الوقت صباح وذكي ناصيف بدون ما تفتحوا تمكن بولا كلمة.

٤ – كشف المستور إنتو وقاعدين عالطاولة

هول بصيروا إنتا وعم تحكي مع خيك أو إختك ومش داير بالك إنو أهل كابين دينة عحديثكن.

٥ – … وهالشي رح يخلي بيك يطرح أسئلة محرجة شوي

“شو يعني رنا شالتوه لآدم؟”

٦ – الغدا اللبناني المزبزط ما بصير بلا حديث عن الدرس والشغل

أي نقاش ما بيعني إلا شغلة وحدي: خياراتك بالحياتك مش مية بالمية بإيدك

٧ – لما يبلش التنمير

متل إنو خيك بيمزح معك مزح تقيل، وبتكون متوقع أهلك يدافعوا عنك، بس بصيروا هني كمان ينمروا عليك معو.

٨ – وختاما عطول مسك

بآخر الغدا، بيك أو إمك بيلقوا كلمة زغيرة، بخبروكن فيا قديش كانوا مشتاقين لهالجمعة الحلوة وإنو عطول لازم تنعاد. ممكن كمان يشطحوا شوي بهالخطاب ويبدوا دهشتن كيف بتمرق الإيام بسرعة، مع العلم إنو صار عمرك ٣٧ عندكولدين، والتالت عالطريق.

ترجمة: رنا قاروط