٧ أفكار بتخطر عبالكن بالسرفيس

السرفيس اللبناني من أحد أغرب وأحلى الاشيا بلبنان، بس امرار كمان بكون واحد من أسوأ الاشيا. إذا عادةً بتطلعوا بالسرفيس، أكيد فكرتوا بهل أفكار اللي بتراودنا بالسرفيس.

١. بتمنى إنو تقطع على خير

في عدد كبير من السرفيسات اللي بتتحرش بالراكبين، من بنات ورجال، ومع إنو هيدا الشي مابيعني إنو جميع سواقين التاكاسي هني متحرشين، هيدي الظاهرة صارت منتشرة لحد إنو كل ما منطلع بسرفيس منتمنى إنو تقطع على خير ومايصير شي.

٢. كلو إلا العجقة

بس كل مرة بيقطعوا بأكتر الشوارع عجقة، كل مرة بتزبط معهن.

٣. بليز ماتفوت أكتر من ٤ أشخاص بهل ميكرا

كم مرة مقعدين ركاب بحضنكن لأن السواق قرر إنو "معلي منساع"؟

٤. أكيد معو صرافه

كل مرة بينصدموا بالخمسة ألاف، كأن أول مرة بشوفوا. كلنا منعرف إنو معن صرافه، مابعرف لمين مخبيينها.

٥. مابدي أعرف قصة حياتك

كل مرة بصير في لحظات دراما بالخمس دقايق بالسرفيس، كيف بلحقوا؟

٦. مشي ما نحكي بالسياسة

ما بدي إضطر بين إنو عنا نفس الأراء، خلص بليز.

٧. ما تعمل حادث

دايماً السواقة بتكون كأن العالم عميخلص، مابادها هلقد.