أطيب ٥ مطاعم بيتزا بلبنان

إذا كنتو بتفكرو متلي، أكيد بتكرهو تطلبو من نفس المطعم كل مرة بيجي عبالكن بيتزا. فهيدي ليستا بأطيب مطاعم البيتزا بلبنان لما حدا سامع فيهن.
١. ماماميا

هيدا أحسن محل لتروح عليه إذا كان عبالك كتير بيتزا متل تعيت البيت. ديكور المطعم الحلو بحسسك كأنّك ببيتك وحتى أصحاب المحل كتير مهضومين. في كتير أنواع بيتزا عندن متل الهاوايين، والستيك بيتزا، وأكيد ما بدنا ننسى الماماميا لفيها خضرا، ولحم خنزير، وجبنة.

العنوان: راس المتن

تليفون: ٢١٠ ٣٨٠ ٠٥

٢. أوليفو

مارق ببحمدون أنت ورايح رحلة أو عم تزور الضيعة الحلوة؟ مننصحك تدوق أطيب الأكل الايطالي بكارلتون اوتيل أوليفو. غير إنو عندن الباستا كتير طيبة، البيتزا شي روعة. العجينة رقيقة ومقرمشة، والصوص مش تقيل، رح تشهّيك كتير. بنصحك تجرّب المارغاريتا والفونجي.

العنوان: شارع بحمدون الرئيسي

تليفون: ١١١ ٢٦٣ ٠٥

٣. باي ذا سلايس

هيدا الكوخ البيتزا الصغير موجود بمطرح مخبّى بواحد من شوارع مار مخايل المعجوقة. متل إسم المحل، بتطلب بيتزا بالقطعة، وفيك تطلبا بفور شيز، أو بفطر، أو بببروني – الطعمة رح تاخدلك عقلك.

العنوان: مار ميخائل قرب شركة الكهربا

تليفون: ٧٧١ ٧٥٧ ٨١

٤. بايكري كافيه

هالمطرح موجود بواحد من شوارع بيروت المخبّيين. هالمخبز والكافيه الصغير بقدّم بيتزا طازة ملياني وطيبة، مع طبقة صوص البنادورة وفوقا أكتر من جبنة. الفاهيتا بيتزا هي أكتر شي مشهورة عندن.

العنوان: رملة البيضاء قرب السفارة المصرية

تليفون: ٥١٥ ٨٦٦ ٠١

٥. دون بايكر

لبميّز بيتزا دون بايكر هو قطع البيتزا الرقاق والمقرمشين والكبار. حتى البيتزا المارغاريتا لعندن مش عادية، لأن بحطو عليها جبنة فرنسية ومش حيلا جبنة. وما فيك تقول ما شبعت بس تخلّص.

العنوان: شارع بدارو الرئيسي

تليفون: ٣٠٤ ٣٨٤ ٠١

ترجمة: سمر شرارة