زفّة ودبكة لبنانية بكندا… كرمال سندويش ملك الطاووق! 

اللبناني وين ما راح، بياخد ثقافتو وفرحتو معو… وحتى حبّو لسندويش ملك الطاووق!  بفيديو عمل ضجّة ع السوشال ميديا، مجموعة من اللبنانيين المغتربين بكندا طلبوا السندويش الشهير من ملك الطاووق من الفرع يلي هونيك، وقرروا يحتفلوا على طريقتن الخاصة!

ولما وصل الديليفري، تفاجأ إنو في زفّة لبنانية ناطرتو قدام الباب! دبكة، زلغوطة، ورقص من القلب، كلو كرمال وصلت السندويش يلي الكل بيحبّها. الديليفري نفسه ما قدر يقاوم الجو، وبلّش يرقص معن! شوفوا الفيديو، وضحكوا من قلبكن:

الفيديو صار ترند، ولاقى آلاف المشاهدات، والتعليقات كانت كلّها فرح وفخر بهيدي الطاقة اللبنانية الإيجابية. ملك الطاووق شافو الفيديو، ودغري شاركوه ع حسابن الرسمي على إنستغرام! 

ما في حبّ بالدني متل حبّ اللبناني للأكل، وخاصة إذا كان السندويش من ملك الطاووق! هيدي اللحظة العفوية بتفرجينا قدي اللبناني بيضل متمسّك بثقافته وين ما كان، وقدي الأكل قادر يجمع الناس ع الفرح.

خبرونا، بترقصوا لما يوصل الأكل؟

شوفوا كمان، هيدا الشيف الزغرتاوي انشهر بوصفاتو بنص الطبيعة!